ينۆەستيتسيالىق وپەراتسيالاردى جۇزەگە اسىرۋ ەرەجەلەرىنە سايكەس قر ۇلتتىق قورىنىڭ بازالىق ۆاليۋتاسى - اقش دوللارى بولىپ تابىلادى.
باسقارۋ ناتيجەسى بويىنشا 2017 جىلدىڭ العاشقى توقسانىندا 1,3 ملرد ينۆەستيتسيالىق تابىس تۇسكەن. باستاپقى دەرەكتەر بويىنشا, جارتىجىلدىقتا ينۆەستيتسيالىق تابىس كولەمى 2,4 ملرد اقش دوللارىنا جەتتى.
ماماندار جاريالانىمداعى 784 ملرد تەڭگە كولەمىندەگى ينۆەستيتسيالىق شىعىنداردىڭ قايدان پايدا بولعانىن ءتۇسىندىردى.
«ۇلتتىق ۆاليۋتا باعامىنىڭ اقش دوللارىنا شاققانداعى باعامى وتكەن جىلدىڭ سوڭىنان باستاپ (333,29) بيىلعى ناۋرىزعا دەيىن (314,79) نىعايۋى جالپى تابىستى (شىعىندى) ەسەپتەگەن كەزدە باعام ايىرماسىن تۋدىردى. وسى ۋاقىت ارالىعىندا تەڭگە ۆاليۋتاسىنداعى اكتيۆتەردىڭ قۇنى وزگەرگەن بولاتىن», - دەدى ماماندار.
2016 جىلدىڭ سوڭىندا بەكىتىلگەن قر ۇلتتىق قورىنىڭ قاراجاتىن قالىپتاستىرۋ جانە پايدالانۋ تۇجىرىمداماسىنا سايكەس ۇلتتىق قوردىڭ بەكىتىلگەن كورسەتكىشتەرىن, ۇلتتىق قور قاراجاتىن قالىپتاستىرۋ جانە پايدالانۋ تۋرالى ەسەپتەردى, سونداي-اق سوڭعى 5 جانە 10 جىلداعى جانە باسقارۋ باستالعاننان بەرگى كىرىستىلىك بويىنشا ناتيجەلەر مەن ولاردى ينۆەستيتسيالىق باسقارۋ تۋرالى ەسەپتەردى قارجى مينيسترلىگى جاريالاۋعا مىندەتتى.
