دوستىق ۇيىندە ءدىن ىستەرى جانە قوعامدىق كەلىسىم مينيسترلىگىنىڭ قولداۋىمەن وبلىستىق قازاقستان حالقى اسسامبلەياسى مەن «گۋونلەن» جاستار ورتالىعى «قوعامدىق كەلىسىم جانە ۇلتتىق بىرلىكتىڭ قازاقستاندىق ۇلگىسى» دەگەن تاقىرىپتا ايماقتىق عىلىمي-تاجىريبەلىك كونفەرەنتسيا ۇيىمداستىرىپ, ۇلتارالىق قارىم-قاتىناستاردى جەتىلدىرۋ, ءتىل, ءدىن, الەۋمەتتىك بىرتەكتىلىك, بەيبىتشىلىك, رۋحانيات, مادەنيەت ماسەلەلەرى جان-جاقتى تالقىلاندى.
القالى باسقوسۋدى وبلىستىق قازاقستان حالقى اسسامبلەياسىنىڭ حاتشىلىق مەڭگەرۋشىسى نايل ساليموۆ اشىپ, دوستىق ۇيىندە – 23, جەرگىلىكتى جەرلەردە 100-دەن استام ەتنومادەني بىرلەستىك جۇمىس ىستەيتىنىن, ولاردىڭ ەتنوسارالىق, كونفەسسياارالىق بىرلىگىمىزگە جان-جاقتى قولداۋ كورسەتىپ, ولشەۋسىز ۇلەس قوسىپ كەلە جاتقانىن اتاپ ءوتتى. اسسامبلەيا قىزمەتىندە جاستار جانە ۇكىمەتتىك ەمەس ۇيىمداردىڭ دا الاتىن ورنى ەرەكشە. ولار ءوڭىردىڭ ساياسي-مادەني ومىرىنە بەلسەنە ارالاسادى دەدى ول.
سولتۇستىك قازاقستان مەملەكەتتىك ۋنيۆەرسيتەتىنىڭ دوتسەنتى, زاڭ عىلىمدارىنىڭ كانديداتى گۇلباقشا مۇساباەۆا جەرگىلىكتى تاجىريبەگە سۇيەنە وتىرىپ «قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسىن دامىتۋداعى قازاقستان حالقى اسسامبلەياسىنىڭ ءرولى» دەگەن تاقىرىپتا بايانداما جاسادى. ول قوعامدىق تەپە-تەڭدىكتى, ساياسي تۇراقتىلىقتى ساقتاۋ, مەملەكەت باسشىسى ايقىنداپ بەرگەن مىندەتتەر مەن ماقساتتار جولىندا جۇمىلا ەڭبەك ەتۋ ۇستانىمدارىنا ەكپىن ءتۇسىردى. «باربانگ» كۇردتەر قاۋىمداستىعى وبلىستىق فيليالىنىڭ توراعاسى راشيد ناديروۆ تاريحي ماڭىزدى قۇجات سانالاتىن جولداۋلاردا ەل بىرلىگىنىڭ, جارقىن بولاشاعىمىزدىڭ دامۋىنا اركەز باسىم باسىمدىق بەرىلەتىنىن, بۇل ورايدا جاس بۋىن بويىنا تاريحىمىزدى, قۇندىلىقتارىمىزدى ۇلىقتاۋ, وتاندى ءسۇيۋ قاسيەتتەرىن ۇيالاتۋدىڭ ماڭىزدىلىعىن جەتكىزدى. «كوپەرنيك» وبلىستىق پولياك مادەني ورتالىعىنىڭ ءتورايىمى ۆالەنتينا كورنەۆا ءوز ويىن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان قازاقستاندىق پاتريوتيزم ماسەلەسىمەن ساباقتاستىردى. كەز كەلگەن حالىقتىڭ قۋاتى – ونىڭ بىرلىگىندە. قازاقستان – ەتنوسارالىق كەلىسىم سالاسىندا تاجىريبەسى مول, بىرەگەيلىك پەن بىرتەكتىلىكتىڭ قايتالانباس مودەلىن قالىپتاستىرۋشى ەل. ءبىزدىڭ ارتىقشىلىعىمىز دا, كۇشىمىز دە – بىرتۇتاستىعىمىزدا. سوندىقتان, وسى ءبىر ازاماتتىق قاعيداتتاردى ودان ءارى نىعايتۋ «ماڭگىلىك ەل» يدەياسىنا نەگىزدەلۋى ءتيىس, دەي كەلىپ, بىرلىك پەن كەلىسىم مۇراتتارىن ناسيحاتتاۋ جولىندا ۇيىم تاراپىنان اتقارىلعان شارالار جايلى اڭگىمەلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
