جەتىستىكتەر – ءسىزدىڭ باستامالارىڭىزدىڭ ناتيجەسى

مەملەكەت باسشىسىنىڭ اتىنا قازاقستان ۇيعىرلارى مادەني ورتالىعىنىڭ اكتيۆى مەن زيالى قاۋىم وكىلدەرىنەن حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وعان قازاقستان حالقى اس­سام­بلەياسى توراعاسىنىڭ ورىن­با­سارى ا.شاردينوۆ, پروفەسسور, تەاتر سىنشىسى ا.قادى­روۆ, جازۋشى-دراماتۋرگ, قازاق­ستان جازۋشىلار وداعىنىڭ مۇشەسى ا.اشيروۆ, «ۋيگۋر اۆازي» رەسپۋبليكالىق گازەتىنىڭ باس رەداكتورى يۋ.ازاماتوۆ, قا­زاق­ستان ۇيعىرلارى قاۋىمداستىعى­نىڭ توراعاسى ت.مامەتوۆا, رەس­پۋب­ليكالىق اقساقالدار كەڭەسىنىڭ توراعاسى ا.ماقسۇتوۆ, رەسپۋب­لي­كالىق ۇيعىر مۋزىكالىق كومەديا تەاترىنىڭ ديرەكتورى س.سونۋروۆ, № 153 مەكتەپ-گيمنازيا دي­رەكتورى ش.ۋماروۆ, پروفەسسور ا.ابدۋللاەۆ, پروفەسسور ك.ابدۋللاەۆا قول قويعان. حاتتا بىلاي دەلىنگەن: «سەمەي يادرولىق پوليگونىن جابۋ, ەلور­دانى استاناعا ۇلى ماقساتپەن كوشىرۋ, بولاشاق ۇرپاقتار ءۇشىن ۇلتتىق قور قۇرۋ, جاستاردى «بولاشاق» باعدارلاماسى بوي­ىنشا شەتەلدەردە وقىتۋ, ەۋ­رازيالىق ەكونوميكالىق كەڭىس­تىك قۇرۋ يدەياسى, 2010 جىلى قازاقستاننىڭ ەقىۇ-عا توراعا­لىعى, جوعارى دەڭگەيدەگى استانا ءسامميتى, الەۋمەتتىك سيپات­تاعى زاماناۋي داعدارىسقا قار­سى شارالار – ساناپ تاۋىسا المايتىن وسىنداي جەتىستىكتىڭ ءبارى ءسىزدىڭ باستامالارىڭىز. شىن مانىندە, ەلباسى باستا­مالارىنىڭ بارلىعى قازىرگى زامانعى قازاقستاننىڭ قالىپ­تاسۋىندا تاريحي وقيعالارعا اي­نالدى». اۆتورلار پرەزيدەنت بەيبىتشىلىك پەن ۇلتارالىق كەلىسىمدى ەل الدىنداعى باسىم مىندەت­تەر­دىڭ ءبىرى رەتىندە قويىپ وتىر­عا­نىن, ونسىز العا قويىلعان ماق­ساتتارعا جەتۋ مۇمكىن ەمەستىگىن اتاپ وتكەن. «ءسىزدىڭ باستاماڭىزبەن قۇ­رىل­عان, الەمدە بالاماسى جوق قو­عامدىق ينستيتۋت – قازاقستان حالقى اسسامبلەياسى ءبىزدىڭ ەلى­مىز­دىڭ ءتۇرلى ۇلت وكىلدەرى ارا­سىن­داعى دوستىقتى, بەيبىتشىلىكتى, تى­نىشتىقتى  ساقتاۋ مەن نى­عاي­تۋدا زور ءرول اتقاردى. ون ەكى جىل ىشىندە اسسامبلەيا كونسۋلتاتيۆ­تىك-كەڭەسشى ورگاننان قۋاتتى ازا­ماتتىق قوعامدىق ينستيتۋتقا اي­نالدى», – دەپ اتاپ وتىلگەن حاتتا. «ءبىز, قازاقستان حالقى, ەلدەگى تۇراقتىلىق پەن تىنىشتىقتى, ءوز بولاشاعىمىز بەن ءبىزدىڭ بالا­لا­رى­مىزدىڭ بولاشاعىنا سەنىمدىلىكتى تەك سىزبەن عانا باي­لا­نىس­تىرامىز. ءبىزدىڭ وتانى­مىز­دىڭ تاۋەلسىزدىگىنىڭ 20 جىل­دى­عىن مەرەكەلەۋ قارساڭىندا, بىزگە جاساعان تۇراقتى قامقور­لى­عىڭىزعا شىن جۇرەكتەن ءوز ري­زاشىلىعىمىزدى بىلدىرە وتى­رىپ, سىزگە سارقىلماس جىگەر, ۇزاق ءومىر, وزىڭىزگە جانە تۋىس­تارىڭىزعا باقىت, قازاقستان حالقىنا گۇلدەنۋ تىلەيمىز!», دەلىنگەن جەدەلحاتتا.