فوتو: istockphoto.com/Mustafa Kaya
ۆەدومستۆونىڭ حابارلاۋىنشا, اسكەري قىزمەتشىلەردىڭ ءبىرى جاق سۇيەگىنەن جاراقات العان. زارداپ شەككەن اسكەري قىزمەتشى الماتى قالاسىنداعى اسكەري-كلينيكالىق گوسپيتالعا جەتكىزىلىپ, ەم قابىلداپ جاتىر. وعان قاجەتتى بىلىكتىلىك تۇرعىداعى مەديتسينالىق كومەك كورسەتىلىپ جاتىر, دەنساۋلىق جاعدايى اسكەري دارىگەرلەردىڭ تۇراقتى باقىلاۋىندا تۇر.
اتالعان دەرەك سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلگەن. قازىرگى ۋاقىتتا جان-جاقتى تەكسەرۋ جۇرگىزىلىپ جاتىر. تەرگەۋ بارىسىندا وقيعاعا قاتىسى بار بارلىق تۇلعالاردىڭ ارەكەتتەرىنە قۇقىقتىق باعا بەرىلەدى. سونىمەن قاتار جارعىعا قايشى ءوزارا قاتىناس فاكتىسى تۋرالى جوعارى تۇرعان قولباسشىلىققا دەر كەزىندە بايانداماعان جانە مەديتسينالىق كومەكتى ۇيىمداستىرۋ بويىنشا ولقىلىققا جول بەرگەن لاۋازىمدى تۇلعالاردىڭ جاۋاپكەرشىلىگى دە قارالادى.
تەرگەۋ كەزەڭىندە اسكەري ءبولىمنىڭ بىرقاتار لاۋازىمدى ادامدارى قىزمەتتىك مىندەتتەرىن اتقارۋدان ۋاقىتشا شەتتەتىلگەن. قورىتىندىسى بويىنشا كىنالىلەر قازاقستان زاڭناماسىنا سايكەس جاۋاپقا تارتىلادى.
مالىمدەلگەندەي, جاعداي قارۋلى كۇشتەر باسشىلىعىنىڭ ەرەكشە باقىلاۋىندا تۇر. تەرگەۋ مۇددەسىنە بايلانىستى وزگە اقپارات جاريا ەتىلمەيدى.
اسكەري قىزمەتشىلەر مەن وتباسى مۇشەلەرى پويىزبەن تەگىن قاتىنايدى
