كەزدەسۋگە قازاق كۇرەسىنىڭ تۇيە بالۋاندارى مەن Qazaqstan Barysy ءتۋرنيرىنىڭ جەڭىمپاز-جۇلدەگەرلەرى بەيبىت ىستىباەۆ, رۋسلان ابدىرازاقوۆ, مۇحيت تۇرسىنوۆ, ەراسىل قاجىباەۆ, سونداي-اق پاريج وليمپياداسىنىڭ قولا جۇلدەگەرى عۇسمان قىرعىزباەۆ باستاعان دزيۋدو قۇراماسىنىڭ سپورتشىلارى قاتىستى.
شارا بارىسىندا جاس بالۋاندار ەرسىن بالتاعۇلعا ءتول كۇرەسىمىزىدىڭ ءادىس-تاسىلدەرىن كورسەتىپ, سۋمو مەن قازاق كۇرەسىنىڭ ۇندەستىگىن پاش ەتتى. تانىمال سۋموشى ءوز كەزەگىندە سۋمودا ءجيى قولداناتىن ادىستەرىن تانىستىرىپ, تاجىريبەسىمەن ءبولىستى.
«كاسىپقوي سپورتتاعى تابىسىمنىڭ كىلتى – ەڭبەك, ءتارتىپ جانە ۇلتتىق نەگىزدەن اجىراماۋ. مەن قازاق كۇرەسى مەن دزيۋدو مەكتەبى ارقىلى قالىپتاستىم. جاپونداردا «وندۋوشين ي» دەگەن ۇعىم بار, ياعني زالدىڭ رۋحىن سەزىنۋ. مەن دە كىلەم مەن زالدىڭ تىنىسىن سەزىنۋدى ءتول كۇرەسىمىزدىڭ مەكتەبىنەن ۇيرەندىم. بۇعان مىسال كەلتىرەتىن بولسام, مەن سۋمو بەلدەسۋلەرىندە قازاق كۇرەسىنىڭ «جامباس» ءادىسىن ءجيى قولدانامىن», دەدى سپورتشى.
ءىس-شارا سوڭىندا Qazaq Kuresi اسسوتسياتسياسىنىڭ باس ديرەكتورى مەيىرجان بەرەكەتوۆ ەرسىن بالتاعۇلعا قۇرمەت كورسەتىپ, يىعىنا قازاقى داستۇرمەن شاپان جاۋىپ, ەستەلىك كادەسىي تابىستادى.
جاپونيانى مويىنداتقان جالعىز قازاق: ەرسىن بالتاعۇل استانادا جانكۇيەرلەرىمەن كەزدەسۋ وتكىزەدى
ايتا كەتەيىك, مەملەكەت باسشىسى بىلتىر جىل سوڭىندا جاپونياعا جاساعان ساپارى اياسىندا ەرسىن بالتاعۇلمەن كەزدەسىپ, سۋموشىنى ەل ازاماتتارى ماقتان تۇتاتىنىن اتاپ وتكەن ەدى.
