اقتوبە وبلىسى اۋماعىندا كۇننىڭ ىستىعىنان دالا ءورتى كوبەيدى. قۇرعاق شوپتەر جانىپ جاتىر. «مۇعالجار, قوبدا, بايعانين اۋداندارىندا دالالىقتاعى قۇرعاق شوپتەردىڭ وتقا وراناۋى كوبەيدى. ماسەلەن, عارىشتىق مونيتورينگ ارقىلى كولەمى 42 گەكتار بولاتىن قۇرعاق ءشوپتىڭ جانۋى انىقتالدى. ءورتتى سوندىرۋگە 2 تەحنيكا مەن 7 ادام جۇمىلدىرىلدى. قازىرگى كەزدە 2 700 گەكتاردان استام جەردەگى قۇرعاق ءشوپ جانىپ كەتتى. جانۋ دەرەگى ءۇش ەسەگە ارتتى», - دەدى اقتوبە وبلىستىق توتەنشە جاعدايلار دەپارتامەنتىنىڭ باس مامانى ءىلياس مانگۋباسوۆ.
ايتا كەتەيىك, كوبىنە تەمەكى تۇقىلىن رەتسىز تاستاۋ, وت جاعىپ ونى سوندىرمەي كەتۋ سوڭى دالا ورتىنە ۇلاسادى.
