قازاقستان – ايماقتاعى تۇراقتاندىرۋشى كۇش

كەشە مەملەكەت باسشىسى نۇرسۇلتان نازارباەۆ ەۋروپا كەڭەسىنىڭ باس حاتشىسى تۋربورن ياگلاندتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. مەملەكەت باسشىسى كەزدەسۋ يادروسىز الەم ءۇشىن حالىقارالىق فورۋمى قارساڭىندا ءوتىپ جات­قا­نىن اتاپ ءوتتى. قازاقستان ءۇشىن بۇل – وتە ماڭىزدى وقيعا. پرەزيدەنت قازاقستاننىڭ پوليگوندى جاپ­قان جانە يادرولىق قارۋدان باس تارتقان مەملەكەت رەتىندە وسىن­داي فورۋم وتكىزۋگە مورال­دىق قۇقىعى بارىن اتاپ كورسەتتى. تاياۋدا بۇۇ باس اسسامبلەيا­سى­نىڭ سەسسياسىندا سويلەگەن ءسوزىن­دە مەملەكەت باسشىسى يادروسىز الەم ءۇشىن جاھاندىق قوزعالىستى بەكىتۋ تۋرالى يدەيا ايتقان ەدى. ت.ياگلاند ءوزى ءۇشىن قازاقستاندا بولعانى ۇلكەن قۇرمەت ەكەنىنە توقتالىپ ءوتتى. ەۋروپا كەڭەسىنىڭ باس حاتشىسى جەكە ءوزى جانە ەۋ­رو­پاداعى كوپتەگەن ادامدار ەلى­مىز­دىڭ ايماقتاعى تۇراقتاندىرۋشى كۇش رەتىندەگى ءرولىن جوعارى با­عا­لايتىنىن اتاپ ءوتتى. قازاقستان كوپتەگەن ەتنوستىق توپ بىرگە بەيبىتشىلىك پەن كەلىسىمدە ءومىر ءسۇرىپ جاتقانىنىڭ ۇلگىسى بولىپ تابىلادى. ەۋروپا كەڭەسىنىڭ باس حات­شى­سى قازاقستاننىڭ ءوز ەركىمەن, ءبىر جاقتى تارتىپپەن يادرولىق ارسە­نال­دى پايدالانۋدان باس تارتۋى تاريحي مانگە يە, ماڭىزدى قادام بولىپ تابىلاتىنىن اتاپ كور­سەت­تى. بۇل باستاما, اسىرەسە, الەمدى ياد­رولىق قارۋدان ازات ەتۋ ءجو­نىندەگى جاھاندىق ناۋقان اياسىندا وتە ماڭىزدى. ت.ياگلاند قازاق­ستان يادرولىق قارۋسىزدانۋ جانە تاراتپاۋ جالپىالەمدىك ۇدەرىسىندە ءوزى­نىڭ بەلسەندى قىزمەتىن جال­عاس­تى­را بەرەتىنىنە سەنىمىن ءبىلدىردى. ت.ياگلاند قازاقستان تاڭدا­نار­لىق تابىستارعا قول جەتكىزىپ, اي­ماقتا عانا ەمەس, سونىمەن بىرگە, الەمدىك ارەنادا دا بەلگىلى سەرپىندى مەملەكەتكە اينالعانىن اتاپ ءوتتى. كەزدەسۋدە سونداي-اق قازاق­ستان­نىڭ ەۋروپا كەڭەسىمەن ىن­تى­ماقتاستىق پەرسپەكتيۆالارى, ەۋروپالىق كەڭەس ەلدەرىنىڭ كون­ۆە­نتسياسىنا قوسىلۋ جانە ەۋرو­پا­ل­­ىق وداقپەن قارىم-قاتىنا­سىن نىعايتۋ تۋرالى ماسەلەلەر تالقىلاندى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.