2011 جىلعى 27 شىلدە, استانا, ۇكىمەت ءۇيى
«ءبىلىم بەرۋ گرانتىن بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى № 58 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ءبىلىم بەرۋ گرانتىن بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى № 58 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., № 2, 24-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن ءبىلىم بەرۋ گرانتىن بەرۋ ەرەجەسىندە:
2-تارماقتا:
3) تارماقشادا «(بۇدان ءارى – كوميسسيا).» دەگەن سوزدەر «(بۇدان ءارى –كوميسسيا);» دەگەن سوزدەرمەن اۋىستىرىلسىن;
مىناداي مازمۇنداعى 4), 5), 6) تارماقشالارمەن تولىقتىرىلسىن:
«4) دەنساۋلىق ساقتاۋ سالاسىنداعى ۋاكىلەتتى ورگان – ازاماتتاردىڭ دەنساۋلىعىن ساقتاۋ, مەديتسينالىق جانە فارماتسەۆتيكالىق عىلىم, مەديتسينالىق جانە فارماتسەۆتيكالىق ءبىلىم بەرۋ, حالىقتىڭ سانيتارلىق-ەپيدەميولوگيالىق سالاۋاتتىلىعى, دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى, مەديتسينالىق قىزمەت كورسەتۋ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان;
5) ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن وكىلى (اگەنت) تاپسىرما شارتىنىڭ نەگىزىندە ءبىلىم بەرۋ سالاسىنداعى ۋاكىلەتتى ورگاننىڭ اتىنان جانە سونىڭ ەسەبىنەن جانە ونىڭ نۇسقاۋلىقتارىنا سايكەس بەلگىلى ءبىر تاپسىرمالاردى ورىندايتىن تۇلعا;
6) جاس مامان – اۋىل (سەلو) جاستارى اراسىنان شىققان ازاماتتارعا بەرىلەتىن كۆوتا شەگىندە ءبىلىم بەرۋ گرانتى بويىنشا پەداگوگيكالىق جانە مەديتسينالىق ماماندىقتار بويىنشا جوعارى ءبىلىمنىڭ ءتيىستى ءبىلىم بەرۋ باعدارلامالارىن مەڭگەرگەن ءبىتىرۋشى.»;
3-ءبولىم مىناداي رەداكتسيادا جازىلسىن:
«3. ماماندى اۋىلدىق جەرگە جۇمىسقا جىبەرۋ جانە ءوز بەتىمەن جۇمىسقا تۇرۋ قۇقىعىن بەرۋ ءتارتىبى
9. اۋىلدىڭ الەۋمەتتىك-ەكونوميكالىق دامۋىن ايقىندايتىن ماماندىقتار بويىنشا اۋىل (سەلو) جاستارى اراسىنان شىققان ازاماتتارعا بەرىلەتىن كۆوتا شەگىندە وقۋعا تۇسكەن ءبىلىم بەرۋ گرانتىنىڭ يەگەرلەرى اۋىلعا (سەلوعا), كەنتكە, اۋىلدىق (سەلولىق) وكرۋگكە (بۇدان ءارى – اۋىلدىق جەر) جۇمىسقا جىبەرىلەدى. 10. پەداگوگيكالىق جانە مەديتسينالىق ماماندىقتار بويىنشا اۋىل (سەلو) جاستارى اراسىنان شىققان ازاماتتارعا بەرىلەتىن كۆوتا شەگىندە وقۋعا تۇسكەن ءبىلىم بەرۋ گرانتى يەگەرلەرى ءۇشىن ءبىلىم بەرۋ قىزمەتتەرىن ۇسىنۋعا ارنالعان شارت جاساسقان كەزدە ولاردىڭ جوعارى وقۋ ورنىن اياقتاعاننان كەيىن كەمىندە ءۇش جىل اۋىلدىق جەردە ورنالاسقان ءبىلىم بەرۋ ۇيىمدارى مەن مەديتسينالىق ۇيىمداردا جۇمىستى وتەۋى مىندەتتى شارت بولىپ تابىلادى. جۇمىستى وتەۋ مەرزىمى جۇمىس بەرۋشى مەن جاس مامان اراسىندا ەڭبەك شارتى جاسالعان كۇننەن باستاپ سانالادى. 11. جاس مامانداردى جۇمىسقا جىبەرۋ ماقساتىندا ولاردى دەربەس ءبولۋ جۇزەگە اسىرىلادى. جاس مامانداردى جۇمىسقا ءبولۋ جانە جىبەرۋ مىناداي تارتىپپەن جۇزەگە اسىرىلادى: 1) وبلىستىڭ جەرگىلىكتى اتقارۋشى ورگانى جىل سايىن 1 ناۋرىزدان كەشىكتىرمەي ءبىلىم بەرۋ جانە دەنساۋلىق ساقتاۋ سالاسىنداعى ۋاكىلەتتى ورگاندارعا (بۇدان ءارى – ۋاكىلەتتى ورگاندار) اۋىلدىق جەردە ورنالاسقان ءبىلىم بەرۋ ۇيىمدارىندا جانە مەديتسينا ۇيىمدارىندا كادرلارعا قاجەتتىلىك تۋرالى ءوتىنىم بەرەدى; 2) جوو جىل سايىن 1 ناۋرىزدان كەشىكتىرمەي ۋاكىلەتتى ورگاندارعا اۋىل (سەلو) جاستارى اراسىنان شىققان ازاماتتارعا بەرىلەتىن كۆوتا شەگىندە وقۋعا تۇسكەن بىتىرۋشىلەردىڭ تىزىمدەرىن جىبەرەدى; 3) ۋاكىلەتتى ورگاندار جىل سايىن 1 مامىردان كەشىكتىرمەي تىكەلەي اۋىل (سەلو) جاستارى اراسىنان شىققان ازاماتتارعا بەرىلەتىن كۆوتا شەگىندە وقۋعا تۇسكەن ءبىلىم بەرۋ گرانتىنىڭ يەگەرلەرى وقيتىن جوو-عا اۋىلدىق جەردە ورنالاسقان ءبىلىم بەرۋ جانە مەديتسينا ۇيىمدارى ءۇشىن كادرلارعا قاجەتتىلىك تۋرالى وتىنىمدەرگە سايكەس اقپارات جىبەرەدى; 4) جوو-دا جاس مامانداردى جۇمىسقا دەربەس ءبولۋ جونىندەگى كوميسسيا (بۇدان ءارى – ءبولۋ جونىندەگى كوميسسيا) قۇرىلادى. ءبولۋ جونىندەگى كوميسسيا تۋرالى ەرەجەنى ۋاكىلەتتى ورگاندار بەكىتەدى. 12. ءبولۋ جونىندەگى كوميسسيا جىل سايىن كۆوتا شەگىندە ءبىلىم بەرۋ گرانتى بويىنشا وقۋعا تۇسكەن اۋىل (سەلو) جاستارى اراسىنان شىققان ازاماتتار وقۋدى اياقتايتىن قازاقستان رەسپۋبليكاسىنىڭ ءتيىستى جوعارى وقۋ ورىندارىنىڭ جانىندا قۇرىلادى. 13. جاس مامانداردى دەربەس ءبولۋ وتىرىسقا ۇسىنىلعان قۇجاتتار بويىنشا جانە وبلىستاردىڭ جەرگىلىكتى اتقارۋشى ورگاندارىنىڭ اۋىلدىق جەردە ورنالاسقان ءبىلىم بەرۋ ۇيىمدارىنداعى جانە مەديتسينا ۇيىمدارىنداعى كادرلارعا قاجەتتىلىك تۋرالى وتىنىمدەرىنە سايكەس ۋاكىلەتتى ورگاندار ۇسىنعان اقپارات نەگىزىندە جۇزەگە اسىرىلادى. 14. جاس مامانداردى دەربەس ءبولۋ كەزىندە: 1) تۇراقتى تۇراتىن ورنى نەمەسە سوندا بولگەن دۇرىسىراق بولاتىن اۋىلدىق ەلدى مەكەن; 2) قازاقستان رەسپۋبليكاسىنىڭ ءبىلىم بەرۋ سالاسىنداگى زاڭناماسىندا جانە وسى ەرەجەدە كوزدەلگەن ءبىرىنشى كەزەكتە ءبولۋ قۇقىعىن بەرەتىن جاعدايلاردىڭ بولۋى; 3) قازاقستان رەسپۋبليكاسىنىڭ ءبىلىم بەرۋ سالاسىنداعى زاڭناماسىندا جانە وسى ەرەجەدە بەلگىلەنگەن, جۇمىستى وتەۋ جونىندەگى مىندەتتەن بوساتاتىن نەمەسە جۇمىستى وتەۋ جونىندەگى مىندەتتى ورىنداۋ مەرزىمىن كەرى شەگەرەتىن جاعدايلاردىڭ بولۋى ەسكەرىلەدى. جاس مامان تۇراقتى تۇرعان اۋىلدىق جەردە ورنالاسقان ءبىلىم بەرۋ ۇيىمدارىندا جانە مەديتسينا ۇيىمدارىندا بوس جۇمىس ورنى بولماعان جاعدايدا ول جاقىن جەردەگى اۋىلدا (سەلودا), كەنتتە, اۋىلدىق (سەلولىق) وكرۋگتە, اۋداندا, وبلىستا ورنالاسقان ءبىلىم بەرۋ ۇيىمدارىنا جانە مەديتسينا ۇيىمدارىنا بولىنۋگە جاتادى. 15. جوو-داعى وقۋدى ءبىر مەزگىلدە اياقتاعان ەرلى-زايىپتىلارعا ءبىر اۋىلدا (سەلودا), كەنتتە, اۋىلدىق (سەلولىق) وكرۋگتە ورنالاسقان ۇيىمداردا جۇمىس بەرىلەدى. ەگەر ەرلى-زايىپتىلاردىڭ ءبىرى وقۋىن بۇرىن بىتىرسە, وندا وعان جۇمىس جالپى نەگىزدەردە بەرىلەدى. مۇنداي جاعدايدا جۇبايىنىڭ (زايىبىنىڭ) جۇمىس ورنىن, ونىڭ ىشىندە زايىبىنىڭ (جۇبايىنىڭ) جۇمىس ورنى بويىنشا دا تاڭداۋ قۇقىعى بار. 16. جوو جىل سايىن 10 تامىزدان كەشىكتىرمەي ۋاكىلەتتى ورگاندارعا اۋىلدىق جەردە ورنالاسقان ءبىلىم بەرۋ ۇيىمدارىنا جانە مەديتسينا ۇيىمدارىنا جۇمىسقا جاس مامانداردى ءبولۋ تۋرالى اقپاراتتى ۇسىنادى جانە ءبولۋ جونىندەگى بارلىق ماتەريالداردى جاس مامانداردى ءبولۋ تۋرالى شەشىم قابىلدانعان كۇننەن باستاپ 15 كۇننىڭ ىشىندە ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن اگەنتىنە جىبەرەدى. 17. دەربەس ءبولۋ جونىندەگى كوميسسياعا دالەلدى سەبەپتەرسىز كەلمەگەن جاس ماماندار ونىڭ قاتىسۋىنسىز بولىنەدى. 18. اۋىلدىق جەرگە جۇمىسقا جىبەرىلگەن جاس ماماندار قازاقستان رەسپۋبليكاسىنىڭ زاڭناماسىنا سايكەس الەۋمەتتىك كەپىلدىكتەر الادى. 19. ءبىرىنشى كەزەكتە ءبولۋ قۇقىعى: 1) جۇبايى بوس جۇمىس ورنىن ۇسىنعان اۋىلدىق جەردە نەمەسە وعان جاقىن ورنالاسقان اۋىلدا (سەلودا), كەنتتە, اۋىلدىق (سەلولىق) وكرۋگتە تۇراتىن, جۇمىس ىستەيتىن نەمەسە قىزمەتىن وتەپ جاتقان ادامدارعا; 2) اتا-اناسىنىڭ ءبىرى نەمەسە ەكەۋى دە I جانە II توپ مۇگەدەكتەرى بولىپ تابىلاتىن ادامدارعا, سونداي-اق بوس جۇمىس ورنىن ۇسىنعان اۋىلدىق جەردە تۇراقتى تۇرىپ جاتقان ادامداردىڭ قامقورشىسى جانە قورعانشىسى بولىپ تابىلاتىن ادامدارعا بەرىلەدى. 20. ءبولۋ جونىندەگى كوميسسيانىڭ شەشىمىمەن جاس مامانداردىڭ مىناداي ساناتتارى جۇمىستى وتەۋ جونىندەگى مىندەتتەن بوساتىلادى: 1) ءبولۋ كەزىندە اۋىلدىق جەردە ورنالاسقان ءبىلىم بەرۋ ۇيىمدارىندا جانە مەديتسينا ۇيىمدارىندا بوس جۇمىس ورنى بولماعان كەزدەگى ادامدار; 2) جۇبايى (زايىبى) تۇراتىن, جۇمىس ىستەيتىن نەمەسە قىزمەتىن وتەپ جاتقان اۋىلدىق جەردە نەمەسە وعان جاقىن ورنالاسقان اۋىلدا (سەلودا), كەنتتە, اۋىلدىق (سەلولىق) وكرۋگتە بوس جۇمىس ورنى بولماعان كەزدەگى ادامدار; 3) I جانە II توپتاعى مۇگەدەكتەر; 4) ودان ءارى ماگيستراتۋراعا, رەزيدەنتۋراعا وقۋعا تۇسكەن ادامدار; 5) جۇكتى ايەلدەر, ءۇش جاسقا دەيىنگى بالاسى (بالالارى) بار ايەلدەر, سونداي-اق بالاسىن (بالالارىن) جالعىز تاربيەلەپ وتىرعان اكەلەر. 21. اعىمداعى جىلى وقۋىن بىتىرگەن جاس ماماندار 1 تامىزدان كەشىكپەي جۇمىس ورنىنا جولداما بويىنشا كەلەدى. 22. وبلىستىڭ جەرگىلىكتى اتقارۋشى ورگانى جاس مامان كەلگەننەن كەيىن ءبىر ايدىڭ ىشىندە ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن اگەنتىنە جۇمىس ورنى جانە بەرىلەتىن الەۋمەتتىك كومەك ءتۇرى تۋرالى مالىمەتتەردى ۇسىنا وتىرىپ, بولۋگە سايكەس كەلگەنى تۋرالى راستاۋ جىبەرەدى. 23. مەرزىمدىك اسكەري قىزمەتكە تۇسكەندە نەمەسە شاقىرىلعاندا جاس ماماننىڭ جۇمىستى وتەۋ مەرزىمىنە قىزمەتتى وتەۋ ۋاقىتىن قوسپاستان, قىزمەتتى وتەۋ ۋاقىتىنا جۇمىستى وتەۋ مەرزىمى كەيىن شەگەرىلەدى. 24. بيۋدجەتتىڭ وقىتۋمەن بايلانىستى شىعىستارىن قايتارۋسىز جۇمىستى وتەۋ جونىندەگى مىندەتىن توقتاتۋ ءبىلىم بەرۋ سالاسىنداعى ۋاكىلەتتى ورگاننىڭ شەشىمىمەن رەسىمدەلەدى جانە: 1) جۇمىستى وتەۋ جونىندەگى مىندەتتىڭ ورىندالۋىنا بايلانىستى; 2) ءتيىستى قۇجاتتارمەن راستالعان ءبىلىم الۋشىنىڭ (جاس ماماننىڭ) قايتىس بولۋىنا بايلانىستى; 3) جۇمىستى وتەۋ مەرزىمى ىشىندە I, II توپ مۇگەدەكتىگى بەلگىلەنگەن جاعدايدا; 4) وسى ەرەجەنىڭ 20-تارماعىندا كوزدەلگەن جاعدايلاردا جۇمىستى وتەۋ جونىندەگى مىندەتىنەن بوساتىلۋىنا بايلانىستى باستالادى. 25. وسى ەرەجەنىڭ 19, 20, 23, 24-تارماقتارىندا كورسەتىلگەن جاعدايلار ءتيىستى قۇجاتتارمەن راستالۋعا ءتيىس. 26. وبلىستىڭ جەرگىلىكتى اتقارۋشى ورگانى جىل سايىن 1 قىركۇيەككە قاراي ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن اگەنتىنە 2011 جىلدان باستاپ الداعى ءۇش جىل بويى اۋىلدىق جەردە جۇمىس ىستەۋ ءۇشىن بولىنگەن جۇمىس ىستەپ جاتقان جاس مامانداردىڭ ءتىزىمىن جىبەرەدى. 27. اۋىلدىق جەردە جۇمىس ىستەۋگە بولىنگەن جاس مامانمەن جاسالعان ەڭبەك شارتى جۇمىس بەرۋشىنىڭ باستاماسى بويىنشا بۇزىلعان جاعدايدا جۇمىس بەرۋشى ەڭبەك شارتىن بۇزعاننان كەيىن ءۇش كۇننەن كەشىكتىرمەي بۇل تۋرالى وبلىستىڭ جەرگىلىكتى اتقارۋشى ورگاندارىنا حابارلايدى. وبلىستىڭ جەرگىلىكتى اتقارۋشى ورگانى جاس ماماننىڭ جۇمىستان شىعارىلعانى تۋرالى مالىمەتتەر مەن راستايتىن قۇجاتتاردى ءبىلىم بەرۋ سالاسىنداعى ۋاكىلەتتى ورگانعا جىبەرەدى. بۇل ورايدا جاس ماماندارمەن جاسالعان ەڭبەك شارتتارى جۇمىس بەرۋشى – زاڭدى تۇلعانىڭ تاراتىلۋى نەمەسە جۇمىس بەرۋشى – جەكە تۇلعانىڭ قىزمەتىن توقتاتۋى, سونداي-اق قىزمەتكەرلەر سانى نەمەسە شتاتى قىسقارتىلۋى نەگىزىندە بۇزىلعان جاعدايدا ولار قايتادان بولۋگە جاتادى. جاس ماماندارمەن جاسالعان ەڭبەك شارتتارى جۇمىس بەرۋشىنىڭ باستاماسى بويىنشا وسى تارماقتا كوزدەلمەگەن نەگىزدەر بويىنشا بۇزىلعان جاعدايدا ولاردى قايتادان ءبولۋ جۇرگىزىلمەيدى, جانە وسى ەرەجەگە سايكەس قاراجاتتى بيۋدجەتكە قايتارۋ جۇزەگە اسىرىلادى. 28. جاس مامان جوعارى وقۋ ورنىن اياقتاعاننان كەيىن كەمىندە ءۇش جىل اۋىلدىق جەردە ورنالاسقان ءبىلىم بەرۋ ۇيىمدارى مەن مەديتسينالىق ۇيىمداردا جۇمىستى وتەۋ مىندەتىن ورىنداماعان جاعدايدا بيۋدجەتتىڭ جاس ماماندى وقىتۋمەن بايلانىستى شىعىستارى بيۋدجەتكە قايتارىلۋعا ءتيىس. 29. جاس مامانداردىڭ جۇمىستى وتەۋ جونىندەگى مىندەتتەردى ورىنداۋى جانە بيۋدجەتتىڭ جاس ماماندى وقىتۋمەن بايلانىستى شىعىستارىنىڭ قايتارىلۋى مونيتورينگىن قامتاماسىز ەتۋ ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن اگەنتىنە جۇكتەلەدى. 30. ءبىلىم بەرۋ سالاسىنداعى ۋاكىلەتتى ورگاننىڭ سەنىم بىلدىرىلگەن اگەنتى ءوز قۇزىرەتى شەگىندە: 1) جاس مامانداردىڭ جۇمىستى وتەۋ جونىندەگى مىندەتتەردى ورىنداۋىنا مونيتورينگ جۇرگىزۋ ماقساتىندا جاس ماماندار بويىنشا دەرەكقوردى قالىپتاستىرادى جانە جۇرگىزەدى, ۇسىنىلعان قۇجاتتاردىڭ ساقتالۋىن قامتاماسىز ەتەدى; 2) وبلىستاردىڭ جەرگىلىكتى اتقارۋشى ورگاندارىنىڭ جاردەمىمەن ءبولۋ جونىندەگى كوميسسيالار شەشىمدەرىنىڭ ورىندالۋ مونيتورينگىن جۇرگىزەدى; 3) جاس ماماندار جۇمىستى وتەۋ جونىندەگى مىندەتتەردى بۇزعان جاعدايدا ولاردىڭ بيۋدجەتتىڭ ءوزىن وقىتۋمەن بايلانىستى شىعىستارىن قايتارۋىن قامتاماسىز ەتۋ جونىندە شارالار قابىلدايدى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
