قالالىق جولاۋشىلار تاسىمالى كولىگى مەن اۆتوموبيل جولدارى باسقارماسىنىڭ باسشىسى ماقسۇت يساحوۆتىڭ ايتۋىنشا, بيىل الماتىدا اۆتوبۋس جولاعى التىنسارين مەن قابدولوۆ كوشەلەرىندە پايدا بولادى.
«تامىز ايىنىڭ سوڭىنا دەيىن التىنسارين مەن قابدولوۆ كوشەلەرىندە اۆتوبۋس جولاقتارى سالىنادى. وسىلايشا بۇل كوشەلەر اۆتوبۋس جولاقتارى بار تولە بي, اباي, رايىمبەك كوشەلەرىن ءوزارا بايلانىستىراتىن بولادى. وسىلايشا بۇرىن اۆتوبۋس جولاعىنىڭ جالپى ۇزىندىعى 85 شاقىرىم بولسا, بيىل 93 شاقىرىم بولادى, ياعني 7,1 شاقىرىمعا ۇزارادى», - دەدى م.يساحوۆ.
سونداي-اق, ونىڭ ايتۋىنشا, الماتىدا قىركۇيەكتە بىرقاتار كوشەلەردە كولىك قوزعالىسى بىرجاقتى باعىتقا اۋىستىرىلادى.
شەۆچەنكو كوشەسىنىڭ بويىندا دوستىق داڭعىلىنان جاروكوۆ كوشەسىنە دەيىنگى اۋماقتا ترامۆاي رەلستەرى الىنىپ تاستالعان سوڭ, جولدار ورتاشا اعىمداعى جوندەۋدەن وتەدى جانە باتىس باعىتقا قاراي كولىكتەر قوزعالىسى بىرجاقتى بولادى.
قۇرمانعازى كوشەسى بويىندا مۇقانوۆ كوشەسىنەن دوستىق داڭعىلىنا دەيىنگى ۋچاسكەدە جوندەۋ جۇمىستارى اياقتالعان سوڭ, شىعىس باعىتتا بىرجاقتى كولىك قوزعالىسى جاسالادى.
