اتالمىش شارانى «جاستار» عىلىمي-زەرتتەۋ ورتالىعى ۇيىمداستىرۋدا. جوبا اياسىندا 7 تامىزدا ساعات 15.00-دە قر تۇڭعىش پرەزيدەنتى كىتاپحاناسىندا «جاسامپازدىق ەنەرگياسى» كونفەرەنتسياسى وتەدى. وعان ءتۇرلى ۇيىمدار مەن جاستار رەسۋرستىك ورتالىعىنىڭ, جاستار ۇيىمدارىنىڭ وكىلدەرى مەن «استانا ەكسپو-2017» حالىقارالىق مامانداندىرىلعان كورمەسىنىڭ ەرىكتىلەرى قاتىسىپ, جاس ادامداردىڭ الەۋمەتتىك جانە جەكە دامۋى بويىنشا جوبانى تانىستىرادى.
ۇيىمداستىرۋشىلار اتاپ وتكەندەي, كونفەرەنتسيا فورماتىنا سايكەس ءار سپيكەر 15 ىشىندە ءوزىنىڭ يدەياسىمەن تانىستىرادى نەمەسە جاستارمەن جۇمىس تاجىريبەسى جونىندە ايتادى.
تانىستىرىلىم اياقتالعان سوڭ, كورەرمەندەر 3 سۇراق قويا الادى, ونىمەن بىرگە ءوزىنىڭ پىكىرىمەن دە بولىسە الادى. وسىلايشا تاجىريبە جانە ءبىلىم الماسۋ جۇرەدى, پىكىرتالاس وتەدى. ارنايى قاعازدا «كەرى بايلانىستا» ۇسىنىلعان قاتىسۋشىلاردىڭ كەڭەستەرى جازىلادى. كونفەرەنتسيا قورىتىندىسى بويىنشا كەڭەستەر جازىلىپ, ساراپتالادى, كەيىن ول ۇيىمداستىرۋشىلار مەن سپيكەرلەرگە جىبەرىلەدى.
