«وزدەرىڭىز دە بىلەتىندەي, كاير قالاسىندا قازاقستاننىڭ 6 ازاماتىنىڭ جوعالىپ كەتكەنىنە 12 كۇن بولدى. قولدا بار سەنىمدى مالىمەتتەرگە سايكەس, 19-نان 20-شى شىلدەگە قاراعان تۇندە ولاردى مىسىردىڭ ارنايى قىزمەت ساقشىلارى ۇستاپ, الىپ كەتكەن. وسى ۋاقىتقا دەيىن مىسىر تارابىنان قازاقستان ازاماتتارىنىڭ ۇستالۋ سەبەپتەرى, ولاردىڭ قازىر قايدا ەكەندىگى تۋرالى رەسمي اقپارات العان جوقپىز. مىسىردىڭ ءسىم باسشىلىعىمەن, قۇقىق قورعاۋ ورگاندارىنىڭ وكىلدەرىمەن بىرنەشە رەت بولعان كۇندەلىكتى كەلىسسوزدەر ناتيجە بەرگەن جوق», دەدى ول.
ءسىم وكىلىنىڭ ايتۋىنشا, تاياۋدا قازاقستاننىڭ كايرداعى ەلشىسى مىسىردىڭ جوعارى كونستيتۋتسيالىق سوتىنىڭ توراعاسىمەن جانە پرەزيدەنتتىڭ ۇلتتىق قاۋىپسىزدىك جونىندەگى كومەكشىسىمەن قازاقستان ازاماتتارىنا قاتىستى احۋالدى تالقىلاعان.
«ولاردىڭ ءبىزدىڭ ازاماتتارىمىزدىڭ ۇستالۋ ءمان-جايىن انىقتاۋعا كومەك كورسەتەمىز دەگەن ۋادەسىنە قاراماستان جاعداي وزگەرگەن جوق. وسىعان وراي مىسىردىڭ سىرتقى ىستەر مينيسترلىگىنە رەسمي نارازىلىق نوتاسى جىبەرىلدى. وسىنداي نوتا قازاقستانداعى مىسىردىڭ ۋاقىتشا سەنىمدى وكىلىنە دە تابىس ەتىلدى. ءبىز مىسىردىڭ رەسمي بيلىگىنەن قازاقستاننىڭ ازاماتتارىنىڭ ۇستالۋ سەبەپتەرىن ءتۇسىندىرۋىن, قازاقستاننىڭ مىسىرداعى ەلشىلىگى ديپلوماتتارىنىڭ, كونسۋلىنىڭ ولارمەن بايلانىسۋىنا مۇمكىندىك بەرۋىن باتىل تۇردە تالاپ ەتەمىز», دەدى جايناقوۆ.
