ورالماندار ماسەلەسى تالقىلاندى

كەشە «نۇر وتان» حدپ پارلامەنتاريزم ينستيتۋتى جانە بۇۇ دب قولداۋىمەن «مەملەكەتتىڭ ورالماندارعا قىزمەت ءتۇر­لە­رىنە قول جەتكىزۋدى قامتاماسىز ەتۋ سالاسىنداعى الەۋمەتتىك ساياساتى» دەگەن تاقىرىپتا  «نۇر وتان» حدپ پارلامەنت ءما­جى­لىسىندەگى فراكتسياسى جانىنداعى الەۋمەتتىك كەڭەستىڭ وتى­رى­سى ءوتتى. باسقوسۋدى الەۋمەتتىك كەڭەس ءتورايىمى ايتكۇل سا­ماقو­ۆا جۇرگىزدى, دەپ حابارلادى ءماجىلىستىڭ ءباسپاسوز قىزمەتى. وندا بۇۇ دب قازاق­ستان­دا­عى تۇراقتى وكىلىنىڭ ورىن­با­سا­رى ەكاتەرينا پانيكلوۆا قۇت­تىقتاپ,  ەڭبەك جانە الەۋمەتتىك قورعاۋ ءمينيسترىنىڭ ورىنباسارى سەرىك احمەتوۆ پەن ىشكى ىستەر مي­نيس­تر­لىگىنىڭ ميگراتسيا پولي­تسياسى كوميتەتىنىڭ توراعاسى پاتريس نوكين  بايانداما جاسادى. القالى جيىندا قانداستارى­مىز­عا قولداۋ كورسەتىپ, قام­قور­لىق جاساۋدىڭ ناقتى جولدارى تۋرالى پىكىرلەر ورتاعا سالىن­دى. دەپۋتاتتار ۋ.قا­ليجانوۆ, ب.تىلەۋحان, گ.سەيىت­ما­عانبەتوۆا, س.وسپانوۆ, ا.سمايىل, ن.ونەر­باي بايانداماشىلارعا جا­رىسا سۇراق بەردى. تاۋەلسىز مەملەكەت قۇرىپ, جاڭا ومىرگە بەت بۇرعانداعى «نۇر­لى كوشتىڭ» ءجونى بولەك. بۇرىن كەت­كەن اعايىندى قايتا تابىس­تىر­عان  كوش بولىپ وتىر. تاۋەل­سىز­دىكپەن بىرگە اتاجۇرتقا باستا­عان كوشكە دە بيىل 20 جىل تولدى. اتامەكەنگە 20 جىل ىشىندە 300 مىڭعا جۋىق وتباسى كوشىپ كەلدى. وسىلايشا ەل حالقىنىڭ سانى 1 ميلليوننان استام اداممەن تو­لىق­تى. الەمدە ءوز قانداستارىن ەلىنە شاقىرىپ,  قىرۋار قاراجات بولگەن ءۇش-اق مەملەكەتتىڭ بىرەۋىمىز. ولار – قازاقستان, گەرمانيا جانە يزرايل. قازاقستان ءوزىنىڭ تاۋەلسىزدىگىن العالى بەرى ەتنوستىق قازاقتاردى تاريحي وتانىنا قايتارۋ سايا­سا­تىن جۇرگىزىپ كەلەدى. كوشى-قون ۇدەرىستەرىن رەتتەۋ ماقساتىندا قازاقستان رەسپۋبليكاسىنىڭ 2007-2015 جىلدارعا ارنالعان كو­شى-قون ساياساتىنىڭ تۇجىرىم­دا­ما­سى, اعىمداعى جىلى «حالىق­تىڭ كوشى-قونى تۋرالى» جاڭا زاڭ قابىلداندى. ەڭبەككە قابىلەتتى ورالماندار قازاقستان ەكونو­مي­كا­سىنا ءوز ۇلەستەرىن قوسۋدا. ولاردىڭ ۇشتەن ەكىسى ءوندىرىستىڭ ءار ءتۇرلى سالالارىندا جۇمىس جاساسا, ءاربىر ءتورتىنشىسى اۋىل شارۋاشىلىعىندا جۇمىس ىستەيدى. الەۋمەتتىك كەڭەستىڭ وتىرى­سىنا قاتىسۋشىلار ەڭبەك جانە الەۋمەتتىك قورعاۋ, ەكونوميكالىق دامۋ جانە ساۋدا, ءبىلىم جانە عى­لىم, دەنساۋلىق ساقتاۋ, باي­لا­نىس جانە اقپارات, ادىلەت جانە سىرتقى ىستەر مينيسترلىكتەرىنە تالقىلاۋ  قورىتىندىلارى بوي­ىن­شا ءتيىستى ۇسىنىمدار جاسادى.