كورمە جۇمىسىنىڭ العاشقى اپتاسىندا كۇنىنە 23 مىڭ ادام كەلگەنى ەسىمىزدە. ال 10 ماۋسىمنان 30 شىلدەگە دەيىنگى ون كۇن ىشىندە شارا كورەرمەندەرىنىڭ سانى 1 794 132 ادامدى قۇرادى. بۇعان دەيىن حالىقارالىق مامانداندىرىلعان ەكسپو-2017 كورمەسىنە كەلۋشىلەر سانى – 2 000 000, ال كىرىپ-شىعۋ كورسەتكىشى شامامەن 5 000 000 بولادى دەپ بولجانعان ەدى.
ەسەپتى كەزەڭدە كورمە كەشەنىنىڭ ەڭ كوپ تاماشالانعان نىساندارىنىڭ كوشىن تاعى دا «نۇر الەم» پاۆيلونى باستاپ تۇر. ەكىنشى ورىندا – كوممەرتسيالىق پاۆيلوندار, ءۇشىنشى – «شەلل» بالالار زەرتحاناسى, ءتورتىنشى – بالالار پاركى. بەستىكتى تاقىرىپتىق س3.5 پاۆيلونى تۇيىندەيدى. «ديۋ سولەي تسيركىنىڭ» عيماراتى – التىنشى ورىندا. امفيتەاتر, تاقىرىپتىق س 2.4 پاۆيلونى, شىعارماشىلىق ەنەرگيا ايماعى جانە ارت-ورتالىق العاشقى وندىققا كىرەدى.
كەلۋشىلەر ەڭ كوپ تاماشالاعان پاۆيلونداردىڭ قاتارىندا ەڭ الدىمەن «افريكا پلازاسى» اۋىزعا ىلىگەدى. ەكىنشى – ءۇندىستان, ءۇشىنشى – ەگيپەت, ءتورتىنشى – تۇركيا, بەسىنشى رەسەي پاۆيلوندارى تۇر. تايلاند, جاپونيا, وزبەكستان, ازەربايجان, ساۋد ارابياسى كورولدىگى پاۆيلوندارى كەلەسى بەستىكتى رەت-رەتىمەن ەنشىلەيدى.
بيووندىرىسكە 45 ميلليون ەۋرو بولمەك
يتاليانىڭ «بيونەت ەسەرەل» كومپانياسى ەلىمىزدە اشىلاتىن بيووندىرىسكە 45 ميلليون ەۋرو كولەمىندە ينۆەستيتسيا سالادى. ەكسپو-2017 حالىقارالىق كورمەسىنىڭ كەڭسەسىندە ەكى جاق كەلىسىمگە كەلىپ, قۇجاتتارعا قول قويىلدى.
شارا بارىسىندا يتاليا پاۆيلونىندا «بيونەت» كومپانياسىنىڭ ونىمدەرى كورسەتىلىپ, «بولاشاق ەنەرگياسىمەن» ۇندەسەتىن جاڭا باس-
تامالارىنىڭ تۇساۋى كەسىلدى. بۇل ۇجىم وسىعان دەيىن بيوورگانيكالىق قالدىقتاردى وڭدەي وتىرىپ, جاڭا بالامالى قۋات كوزىن وندىرگەن. ەندى وسى جوبانى ولار ءبىزدىڭ ەلدە ۇيىمداستىرۋدى كوزدەپ وتىر.
ء«بىز قازىر زاۋىتتىڭ ورنىن انىقتاۋىمىز كەرەك. سودان كەيىن باسقارۋشى كومپانيالارمەن كەلىسسوزدەر جۇرەدى. ال سوڭعى جىلدارى بۇل كومپانيا 10 جوبا جاساعان. قازىر سونىڭ ۇشەۋىمەن جۇمىس ىستەۋدە. سوندىقتان, يتاليالىقتارعا سەنىم ارتۋعا بولادى», دەيدى «KAZNEX INVEST» ۇك توراعاسىنىڭ ورىنباسارى نۇرسۇلتان جيەنباەۆ.
«اسپان كورولدىگى» – استانادا
ەكسپو-2017 حالىقارالىق كورمەسى تورىندە لەسوتو كورولدىگىنىڭ ۇلتتىق كۇنى مەرەكەلەندى. الەمگە «اسپان كورولدىگى» دەگەن اتپەن بەلگىلى ەل افريكانىڭ باسۋتو ۇستىرتىندە ورنالاسقان. مۇندا الماس, ءجۇن, بيداي مەن كوكونىس ەكسپورتى دامىعان. لەسوتو الەمدە الماس وندىرۋدەن 9-ورىندا تۇر.
.jpg-31-07.jpg)
سالتاناتتى جيىندا اقپارات جانە كوممۋنيكاتسيالار ءمينيسترىنىڭ ورىنباسارى قايرات بالىقباەۆ ءسوز سويلەدى. «لەسوتو – افريكاداعى تاۋلى ايماقتا ورنالاسقان جالعىز مەملەكەت. تۋريستەر مۇندا اسەم تاۋلى شاتقالدارى مەن كوز سۇرىندىرگەن سارقىرامالارىن كورۋگە بارادى. بۇل ەلدىڭ بالىق اۋلاۋ ءادىسى دە الەم حالقىنىڭ نازارىن اۋدارتىپ وتىر», دەدى ول.
لەسوتونىڭ ساۋدا جانە ونەركاسىپ ءمينيسترى تەفو ماپاسەلا مەملەكەتتىڭ ەكسپو-2017 حالىقارالىق مامانداندىرىلعان كورمەسىنە قاتىسۋىنا مۇمكىندىك بەرگەن قازاقستانعا شىنايى ريزاشىلىعىن ءبىلدىردى. «بىزگە كورسەتىلگەن ماتەريالدىق-تەحنيكالىق قولداۋدىڭ ارقاسىندا الەم حالىقتارىنا ەنەرگەتيكالىق سەكتورداعى يننوۆاتسيالىق مۇمكىندىكتەرىمىزدى, سونىمەن قاتار, «اسپان كورولدىگىنىڭ» ادەمىلىگى مەن كورىكتى ورىندارىن كورسەتۋدەمىز», دەدى ءوز كەزەگىندە تەفو ماپاسەلا.
لەسوتو وكىلى ەكسپو قوناقتارىن ەلىنە تۋريستىك ساپارمەن كەلۋگە شاقىردى. «سىزدەر وندا بەس جۇلدىزدى قوناق ۇيگە نەمەسە تۋريستەرگە ارنالعان جايلارعا ورنالاسا الاسىزدار. بازوتو – اسەرلى تابيعي كورىنىستەرىمەن جانە مادەني مۇرالارىمەن تانىمال. ول جاقتا اتپەن سەرۋەندەۋگە, قۇستاردى باقىلاپ, بالىق اۋلاۋعا, شاڭعىمەن سىرعاناپ, تاۋلى ايماقتارعا قىدىرۋعا بولادى», دەگەن افريكالىق مەيمان قازىرگى ۋاقىتتا لەسوتو تاۋ-كەن قازبا ونەركاسىبىندە الماس وندىرۋدەن 7-ورىنعا كوتەرىلۋدى ماقسات تۇتقانىن ايتتى. ء«بىز الەمدە جوعارى باعالاناتىن ۇزدىك, ەڭ ۇلكەن, ساپالى الماستاردىڭ ءبىرىن وندىرەمىز. لەسوتودا وندىرىلگەن الماستاردىڭ ىرىلەرى دە بار. قازىرگى تاڭدا «لەسوتو ۋادەسى» – 603 كاراتتى, «براۋن لەسوتو» – 601 كاراتتى, «لەسوتو مۇراسى» – 493 كاراتتى جانە «لەسەلي لا لەتسەنگ» 478 كاراتتى قۇرايدى. لەسوتو جاقۇتىنىڭ 1 كاراتى شامامەن 2 500 دوللارعا تەڭ», دەدى تەفو ماپاسەلا.
لەسوتو ۇلتتىق كۇنىنىڭ رەسمي اشىلۋ راسىمىنەن كەيىن افريكالىق ارتىستەر باياننىڭ سۇيەمەلدەۋىمەن ءان سالىپ, وزدەرىنىڭ ۇلتتىق بيلەرىن بيلەدى.
توپتامانى ازىرلەگەن
اسحات رايقۇل,
«ەگەمەن قازاقستان»
سۋرەتتەردى تۇسىرگەندەر
ورىنباي بالمۇرات,
ەرلان ومار,
«ەگەمەن قازاقستان»
