ءداستۇرلى نازىكتىك فلەشموبى قاراعاندىدا جىل سايىن 1 تامىز كۇنى ءوتىپ كەلەدى. بيىل ۇيىمداستىرۋشىلاردىڭ حابارلاۋىنشا, شەرۋدىڭ ءداستۇرلى باعىتى مەن فورماتىنا ازداعان وزگەرىس ەنگىزىلگەن.
– ءبىز بيىل جىلداعىداي ساياباققا بارمايمىز, - دەيدى ۇيىمداستىرۋشى يۋلايا گورباچەۆا. – تاۋەلسىزدىك الاڭىنا جينالامىز دا فوتوعا تۇسەمىز, ودان كەيىن ارى قاراي «اربات» ساۋدا ۇيىنە قاراي بارامىز. ول جەردە كىشىگىرىم بي بيلەيمىز. ودان كەيىن بارلىق قاتىسۋشىلاردى ءبىر-بىرىمەن جاقىن تانىسىپ, ءبىلىسىپ, قۇربىعا اينالۋى ءۇشىن ءشاي ىشۋگە شاقىرامىز.
ادەتتەگىدەي شاراعا قاتىسۋشىلار وزدەرىمەن بىرگە تاراتۋ ءۇشىن سىيلىقتار الا كەلۋ كەرەك. بۇل گۇل, تاتتىلەر, جەمىستەر, كادەسىيلار تاعى دا باسقا ءوز قولدارىمەن جاساعان زاتتار بولۋى مۇمكىن.
نازىكتىك فلەشموبى – 1 تامىز كۇنى وتەتىن حالىقارالىق اكتسيا. ونىڭ ماقساتى – ەش نەگىزسىز ادامدارعا قۋانىش سىيلاۋ. العاشقى فلەشموب 2012 جىلى ءوتتى. وعان 9 مەملەكەتتىڭ 90 قالاسىنان 1500 قاتىسۋشى جينالعان بولاتىن.
