وتكەن عاسىردىڭ جەتپىسىنشى جىلدارى وبلىس شوپاندارى قوي ت ۇلىگىن مىڭعىرتىپ ءوسىرىپ, جارتى ميلليون باسقا دەيىن جەتكىزۋى – بۇگىندە اجەسىنىڭ نەمەرەسىنە ايتقان ەرتەگىسىندەي ەستىلەرى انىق. قازىر شوپان اتا مەن شەكشەك اتا ت ۇلىگىن قوسىپ ەسەپتەگەندە 363, 9 مىڭ باستى ازەر تولتىرادى. باسىم كوپشىلىگى قوسالقى شارۋاشىلىقتاردىڭ يەلىگىندە.
سولتۇستىك قازاقستان مال شارۋاشىلىعى عىلىمي-زەرتتەۋ ينستيتۋتىندا كوپ جىل بويى ەڭبەك ەتكەن ۆەرا سۋتۋلوۆا ول كەزدى بىلاي ەسكە الادى: «وڭىردە قىلشىق, جارتىلاي قىلشىق, بيازى ءجۇندى قويلار ءوسىرىلىپ, اسىلداندىرۋعا, بۋدانداستىرۋعا جۇيەلى تۇردە ءمان بەرىلدى. قوستانايداعى سۇلۋكول اسىل تۇقىمدى زاۋىتپەن, ارگەنتينالىقتارمەن, اۆستراليالىقتارمەن قويان-قولتىق جۇمىس ىستەۋدىڭ ناتيجەسىندە مەرينوس قويدىڭ ءوسىمتال ءتۇرى جەتىلدىرىلدى. ونىڭ ەتى قازاقستاندى ايتپايىق, شەتەلدەردە دە ديەتالىق تاعام رەتىندە باعالاندى. كۇن كوزىنە شاعىلىسقانداي اپپاق ءجۇن ونىمدەرى ايرىقشا سۇرانىسقا يە بولدى».
زەينەتكەر ءسوز اراسىندا يتاليانىڭ ميلان قالاسىندا كەڭەس وداعى بويىنشا مال شارۋاشىلىعى كورمەسى ۇيىمداستىرىلعانىن, وعان قازاقستاندىقتار دا قاتىسقانىن, ريم پاپاسى /يوننا پاۆەل ءىى/ مانتياسىنا قىزىلجاردىڭ ساپالى جۇنىنەن توقىلعان ماتا تاڭداپ الىنعانىن ماقتانىشپەن ايتىپ قالدى. ال, كەرەك بولسا! قىتىمىر اۋا رايىنا, قاتال تابيعاتقا قاراماستان قيان تۇكپىردە ارقا ەتى ارشا بولىپ جۇرگەن تەرىسكەيلىك شوپاندار مەن عالىمدار باسەكەگە قابىلەتتىلىگىمەن تانىلىپ جاتسا, تاڭ قالماي كور!
ء ومىر ەسقالي,
«ەگەمەن قازاقستان»
سولتۇستىك قازاقستان وبلىسى
