سۇرمەرگەندەر سايىسقا دايىن

 سۋرەتتە: جامبى اتۋدان ەلىمىزدىڭ بىرنەشە دۇركىن چەمپيونى – ايكوز ەرالحان جاتتىعۋ ۇستىندە

ولاردىڭ قاتارىندا جامبى اتۋدان جاستار جانە جاسوسپىرىمدەر اراسىندا ەلىمىزدىڭ بىرنەشە دۇركىن چەمپيونى, وڭتۇستىكقازاقستاندىق مەرگەندەر –  ايكوز ەرالحان مەن ايتبەك سارىباي, قىزىلوردا وبلىسىنىڭ مەرگەنى بەكقالي ۋزدەنباەۆ جانە جامبىلدىق سۇر­مەر­گەندەر – « ۇلى دالا ويىندارى» فەس­تيۆالىنىڭ جەڭىمپازى ەلدوس باداشوۆ پەن جاس جامبىشى ابزال تۋلىباەۆ بار. 
«ادىرناسىن الا وگىزدەي موڭىرەتۋ» ءۇشىن الىستان ات تەرلەتىپ 20 ەلدەن كەلۋى ءتيىس 50-گە تارتا ساداقشىمەن سايىساتىن ءبىزدىڭ ازاماتتار قازىر «قازانات» اتشابارىندا وقۋ-جاتتىعۋ جيىنىن باستاپ كەتىپتى. 
مەرگەندەردىڭ باس باپكەرى نۇركەن بايبوريەۆ مىرزانىڭ ايتۋىنا قاراعاندا, ءبىزدىڭ ساداقشىلار وسال ەمەس, قازىردىڭ وزىندە ءدال باسەكە باسىندا جۇرگەن­دەي جيناقى, سەرگەك, كوزدەگەنىن قاپى جىبەر­مەي, ادىرنادان اتىلىپ ۇشقان جەبەلەرى نىساناعا سارت-سارت قادالۋدا...
باپكەردىڭ ءسوزى راس ەكەن. ونى ءبىز دە كوردىك. «قوبلاندى  باتىر» جىرىندا: 
قولىنا الىپ تولعانىپ,
قوزى جاۋىرىن جەبەنى
ات ۇستىنەن شىرەنىپ, 
تولعاپ تۇرىپ تارتادى... – دەپ جىرلاعانداي ء بىزدىڭ جىگىتتەر قۇيعى­تا شاۋىپ ءوتىپ تە, ات ۇستىندە تۇرىپ تا ساداق تارتىپ ۇيرەنىپ ۇلگەرىپتى. ءتىپتى 10 سەكۋن­دتا بەس جەبە اتىپ, بارلىعىن دا نىسا­ناعا ءدوپ تيگىزگەنىن كوردىك. ىسكە ءسات سۇرمەرگەندەر!

توپتامانى ازىرلەگەن
بەكەن قايرات ۇلى,
«ەگەمەن قازاقستان»