كورمە اۋماعىندا وتكەن مادەني شاراعا وسى ەلدىڭ ەنەرگەتيكا مينيسترلىگى باس ديرەكتورىنىڭ ورىنباسارى قاتىستى. مارتەبەلى مەيمان قازاقستاندىقتاردى ەكسپو-نىڭ اشىلۋىمەن قۇتتىقتاپ, وعان قاتىسۋعا مۇمكىندىك بەرگەنى ءۇشىن العىسىن ايتتى. ۇلتتىق كۇن اياسىندا ورتالىق افريكا مەملەكەتى حالىق اندەرىن ورىنداپ, جۇرتتى قايران قالدىردى. بۇگىندە گابوندا جاسىل ەنەرگەتيكا قارقىندى دامىپ كەلەدى. مۇنداعى بالامالى ەنەرگيا كوزدەرىنىڭ ۇلەسى 2010 جىلى 40 پايىزعا جەتتى. ال 2020 جىلعا دەيىن بۇل كورسەتكىشتى 80 پايىزعا دەيىن ارتتىرۋ جوسپاردا بار. مۇنداي جەتىستىككە كارى قۇرلىقتاعى مەملەكەت گيدروەنەرگەتيكانىڭ ارقاسىندا قول جەتكىزبەك.
بونجان نان نگومو, گابون ەنەرگەتيكا مينيسترلىگى باس ديرەكتورىنىڭ ورىنباسارى:
- گابون ەلىندە تاۋ-كەن ونەركاسىبى, ورمان شارۋاشىلىعى مەن ءتۋريزمنىڭ الەۋەتى زور. ياعني بىزدە مۇنايسىز ەكونوميكا قالىپتاستىرۋ ءۇشىن بارلىق جاعداي جاسالعان. ءبىزدىڭ جوبالار رەسۋرستاردىڭ بالامالى تۇرلەرىن ىزدەپ, كومىرقىشقىل گازىنىڭ ءبولىنۋىن ازايتۋعا باعىتتالعان. وسىلايشا ەكولوگيالىق تازا ەنەرگيا وندىرىسىنە باسا نازار اۋدارىپ وتىرمىز.
