شاراعا 26 ەلدىڭ جانە حالىقارالىق ۇيىمداردىڭ دەلەگاتسيالارى قاتىستى. جاپونيا سىرتقى ىستەر ۆيتسە-ءمينيسترى كيوسي وداۆارا ءوز سوزىندە قازاقستان مەن جاپونيانىڭ اتالمىش كەلىسىمدى ىسكە اسىرۋدا 9- كونفەرەنتسيانىڭ تەڭ توراعاسى رەتىندە اتقارعان ءىس-ارەكەتىن جوعارى باعالادى.
سونداي-اق ەكى ەلدىڭ يادرولىق قارۋدى تاراتپاۋ رەجىمىن نىعايتۋ باعىتىندا لايىقتى ۇلەس قوسقاندىقتارىن اتاپ ءوتتى. قازاقستاننىڭ جاپونياداعى ەلشىسى ەرلان باۋداربەك-كوجاتاەۆ شاراعا قاتىسۋشىلاردى قازاقستان پرەزيدەنتىنىڭ ايماقارالىق جانە جاھاندىق قاۋىپسىزدىك سالالارىنداعى باستامالارىمەن حاباردار ەتە كەلە, ءبىزدىڭ ەلىمىزدىڭ يادرولىق قارۋسىزدانۋ جانە تاراتپاۋ پروتسەسىنە قوسقان ۇلەسىن ايتتى.
سەسسيالىق وتىرىس بارىسىندا قازاقستان مەن جاپونيا 9-كونفەرەنتسيانىڭ تەڭ توراعاسى رەتىندە يادرولىق قارۋدىڭ سالدارىن جويۋدا ەكى ەل تاجىريبەسىنىڭ اسا ماڭىزدى ەكەندىگىن اتاپ ءوتتى جانە الداعى ۋاقىتتا دا يادرولىق سىناققا جاپپاي تىيىم سالۋ جونىندەگى كەلىسىمنىڭ تەزدەتىپ كۇشىنە ەنۋىنە كۇش سالاتىندىقتارىن راستادى.
كونفەرەنتسيا قورىتىندىسى بويىنشا جاپوندىق تاراپ قازاقستانعا كەلىسىمنىڭ تەزدەتىپ كۇشىنە ەنۋى ماسەلەسىن جىلجىتۋ باعىتىنداعى قازاقستاننىڭ بىرلەسە جۇرگىزگەن بەلسەندى جۇمىسىنا العىس ءبىلدىردى.
