«قازاتومونەركاسىپ» ۇاك» اق باسقارما توراعاسى اسقار جۇماعاليەۆ, «ERG» قاداعالاۋ كەڭەسىنىڭ توراعاسى الديار قازتاەۆ, «ارسەلورميتتال تمد» اق باس ديرەكتورى كالون پارامجيت, «قازاقمىس» كورپوراتسياسى» جشس باسقارما توراعاسى باقتيار قىرىقپىشەۆ, «قازمىرىش» جشس اتقارۋشى ديرەكتورى ناريمان قۋانىشەۆ, «قازفوسفات» جشس باس ديرەكتورى مۇقاش ەسكەندىروۆ, «قاراعاندى كەشەندى قورىتپالار زاۋىتى» جشس باس ديرەكتورى ت. ماقاەۆ جانە «فيتوحيميا» حعوح» اق باسقارما توراعاسى س. ادەكەنوۆ كاسىپورىنداردى جاڭعىرتۋ تۋرالى باياندامالارىمەن تانىستىردى.
قاراعاندى وبلىسىنىڭ اكىمى ەرلان قوشانوۆ ءوڭىردىڭ بارلىق كاسىپورىندارىن تەحنولوگيالىق جاڭعىرتۋ تۋرالى باياندادى.
كەڭەسكە مەملەكەتتىك ورگانداردىڭ, قاراعاندى وبلىسى اكىمدىگىنىڭ وكىلدەرى, اقتوبە, شىعىس قازاقستان, ماڭعىستاۋ, قوستاناي, جامبىل, پاۆلودار وبلىستارىنىڭ اكىمدەرىنىڭ ورىنباسارلارى, «سامۇرىق-قازىنا» ۇاق» اق, «بايتەرەك» ۇبح» اق, «قتج» اق, «اتامەكەن» ۇكپ, قازاقستاننىڭ جۇيە قۇرۋشى كاسىپورىندارىنىڭ, سونداي-اق قاراعاندى وبلىسىنىڭ ونەركاسىپتىك كاسىپورىندارىنىڭ وكىلدەرى قاتىستى.
ماسەلەلەردى تالقىلاۋ بارىسىندا كومپانيالاردىڭ وكىلدەرىنىڭ سۇراقتارىنا قر ينۆەستيتسيالار جانە دامۋ ءمينيسترى ج. قاسىمبەك, قر ەنەرگەتيكا ءمينيسترى ق. بوزىمباەۆ, قر ۇلتتىق ەكونوميكا ءمينيسترى ت. سۇلەيمەنوۆ, سونداي-اق قر ءبىلىم جانە عىلىم ءمينيسترى ە. ساعاديەۆ تۇسىنىكتەمەلەر بەرىپ ءوتتى. نەگىزىنەن رەسەي فەدەراتسياسىنىڭ تەڭىز كولىك ينفراقۇرىلىمىن قازاقستاننىڭ ەكسپورتشىلارىنىڭ پايدالانۋ مۇمكىندىگى, قوسارلى ءبىلىم بەرۋ جۇيەسىن جەتىلدىرۋ, ونەركاسىپتىك كاسىپورىندار ءۇشىن قالدىقتاردى كادەگە جاراتۋ مولشەرلەمەلەرىن وزگەرتۋ سەكىلدى تاقىرىپتار قوزعالدى.
كەڭەستە باقىتجان ساعىنتاەۆ ۇكىمەتتىڭ قازاقستاننىڭ ونەركاسىپتىك كاسىپورىندارىنىڭ وكىلدەرىمەن جۇيەلى تۇردە كەزدەسۋلەر مەن كەڭەستەر وتكىزىپ تۇراتىنىن جانە كومپانيالاردىڭ ءوز زاۋىتتارىندا جاڭعىرتۋ جۇمىستارىن قالاي جۇرگىزۋگە بولاتىنى تۋرالى ناقتى جوسپارلارى بار ەكەنىن اتاپ وتۋگە بولاتىنىن ايتتى.
قر پرەمەر-ءمينيسترى ب. ساعىنتاەۆ ونىمدىلىكتى ۇلعايتۋ مەن تاۋار ساپاسىن جاقسارتۋدان بولەك, جۇمىسشىلاردى بوساتۋ ۇدەرىستەرىنە دە ەرەكشە كوڭىل ءبولۋ قاجەتتىگىن ايتتى. وسىعان وراي, اكىمدىكتەر مامانداردى ەكونوميكانىڭ ءوسۋشى سەكتورلارىنا كەلەشەكتە باعىتتاۋ ءۇشىن الدىن الا جۇمىستار جۇرگىزۋ كەرەك. ولاردىڭ قاتارىندا سەرۆيستىك قىزمەتتەر كورسەتۋ مەن قاراپايىم زاتتار ەكونوميكاسىن دامىتۋ بار. بۇدان وزگە, ادامدار جاڭا تەحنولوگيالار قولدانىلاتىن سالالارعا جۇمىسقا ورنالاسقان كەزدە جاڭا داعدىلاردى مەڭگەرۋى ءۇشىن قايتا وقىتۋ جۇمىستارىن جۇرگىزۋ كەرەك.
باقىتجان ساعىنتاەۆ مەملەكەتتىك ورگاندارعا اتالعان ماسەلەلەردى باقىلاۋعا الۋدى تاپسىردى. سونداي-اق, ەكسپورتقا قاتىستى بىرقاتار ماسەلەلەر الدا وتەتىن ەۋرازيالىق ۇكىمەتارالىق كەڭەس وتىرىسى بارىسىندا تالقىلاناتىن بولادى.
