(سۋرەت tengrinews.kz سايتىنان الىندى)
ۇستىمىزدەگى جىلى استانا قالاسىنىڭ اكىمدىگى قۇرىلىس جۇمىستارىن جۇرگىزىپ, بىرنەشە قاتار كوشەلەرگە جول اشتى.
- جولدار ا.بايتۇرسىنوۆ كوشەسىندە ق.امانجولوۆ كوشەسىنەن «نۇرلى جول» تەمىرجول ۆوكزالىنا دەيىن (ا62 كوش.), ج.ناجىمەدەنوۆ –ق.امانجولوۆ كوشەسىنەن جاڭا «نۇرلى جول» تەمىرجول ۆوكزالىنا دەيىن (ا62 كوش.), ا62 كوشەسىندە «نۇرلى جول» تەمىرجول ۆوكزالى اۋماعىندا, №24 كوشەسىندە قابانباي باتىر داڭعىلىنان ماڭگىلىك ەل داڭعىلىنا دەيىن, تۇركىستان جانە اقمەشىت كوشەلەرىندە ورىنبور كوشەسىنەن كەرەي, جانىبەك حاندار كوشەسىنە دەيىنگى اۋماقتا, اقمەشىت كوشەسىندە كەرەي, جانىبەك حاندار داڭعىلىنا دەيىنگى اۋماقتان №24 كوشەسىنە دەيىن جانە №26 كوشەسىنەن ۇلى دالا داڭعىلىنا دەيىن, №31 كوشەسىندە قابانبايباتىر داڭعىلىنان نۇرا-ەسىل ارناسىنا دەيىن, №357, 496, 498 كوشەلەرىندە №31 كوشەدەن ءورت دەپوسىنا دەيىن جولدار اشىلدى, - دەپ حابارلادى استانا قالاسىنىڭ كولىك جولدارى باسقارماسى باسشىسىنىڭ ورىنباسارى اسقار يساكوۆ.
بۇدان بولەك ماڭگىلىك ەل داڭعىلى مەن №31 كوشە قيىلىسى ماڭىندا اۋماعى 40 مىڭ شارشى مەتر 1,5 مىڭ كولىككە شاقتالعان تۇراق قۇرىلىسى اياقتالدى.
بۇگىنگى تاڭدا اۋماعى 25 شاقىرىم ەلوردا جولدارىنا ورتا جوندە جۇرگىزىلدى.
بۇعان قوسى وسى جىلدىڭ قاراشا ايىنىڭ سوڭىنا دەيىن سارايشىق كوشەسىندەگى تۇران داڭعىلىنان ش.بەيسەكوۆا كوشەسىنە دەيىن ۇزىندىعى 3 شاقىرىم جول اشىلادى. ش.بەيسەكوۆا كوشەسىندەگى سىعاناق كوشەسىنەن ۇلى دالا داڭعىلىنا دەيىنگى اۋماقتا قاشىقتىعى 2,9 شاقىرىم جول قۇرىلىسى باستالادى.
- بۇل شارا تۇران, قابانباي باتىر, ماڭگىلىك ەل, قورعالجىڭ تاسجولىنداعى قوزعالىستى ازايتۋعا سەپتىگىن تيگىزەدى,- دەيدى ا.يساكوۆ.
قالانىڭ الەۋمەتتىك نىساندارىنا ينجەنەرلىك جەلىلەر مەن كەلەتىن جولدار تارتۋ ءۇشىن بىرقاتار كوشەلەردە قۇرىلىس جۇمىستارى جۇرگىزىلۋدە, ونىڭ ىشىندە س.سەيفۋللين جانە ن.تىلەنديەۆ داڭعىلى 4 كوشە جالپى ۇزىندىعى 5,3 شاقىرىم: قوشقارباەۆ كوشەسى اۋدانىنداعى 7 كوشە جالپى اۋماعى 9,1 شاقىرىم; سىعاناق كوشەسىنىڭ وڭتۇستىك اۋماعىندا قۇلاگەر» تك, «شىعىس» تك اۋماعىندا كوشە قۇرىلىسى باستالدى.
جولداردى قالىپقا كەلتىرۋ جانە سالۋ جۇمىستارىنا 1 مىڭنان استام ادام جۇمىلدىرىلعان. جىل سوڭىنا دەيىن ورتا جوندەۋ جۇمىستارىمەن 89 كوشە قامتىلادى, ۇزىندىعى 79,9 شاقىرىم.
ورتا, اعىمداعى جوندەۋگە 630 ادام جۇمىلدىرىلادى. بۇدان بولەك, «جۇمىسپەن قامتۋدىڭ جول كارتاسى-2020» باعدارلاماسى بويىنشا 174 ادام, 80 بىرلىك مامانداندىرىلعان تەحنيكا ەڭبەكككە تارتىلادى.
جىل بويى جولدارداعى ويىلعان جەرلەردى جاماۋعا 15 بريگادا جۇمىلدىرىلعان.
اعىمداعى جىلى «Screpton» ماتەريالىن قولدانۋ ارقىلى 50 كوشەدە جالپى اۋماعى 27 شاقىرىم جول قۇرىلىسىن جۇرگىزۋ جوسپارلانۋدا.
