«114 جەدەل جەلىسى» قر ءدىن ىستەرى جانە ازاماتتىق قوعام مينيسترلىگى مەن دىندەردى زەرتتەۋ ورتالىقتارى قاۋىمداستىعىنىڭ قولداۋىمەن جۇزەگە اسىرىلادى. جوبا ازاماتتارعا ءدىن ماسەلەلەرى بويىنشا كاسىبي جانە ۋاقىتىلى كومەك كورسەتۋ مۇمكىندىگىن بەرەدى. ماماندار تەلەفون جانە سايتتىڭ ونلاين جەلىسى ارقىلى ازاماتتاردىڭ ءدىن تاقىرىبىنداعى كەز-كەلگەن ساۋالدارىنا جاۋاپ بەرەدى, ءدىني ارانداتۋشى ارەكەتتەردەن زارداپ شەككەندەرگە پسيحولوگيالىق تۇرعىدان قولداۋ كورسەتەدى.
بايلانىس قازاق جانە ورىس تىلدەرىندە جۇرگىزىلەدى. «114 جەدەل جەلىسى» سايتىندا ءدىن سالاسىنداعى مەملەكەتتىك ساياسات تۋرالى وزەكتى اقپاراتتار, ماقالالار, سۇحباتتار, ساراپشىلاردىڭ پىكىرلەرى ورنالاستىرىلعان.
«114 جەدەل جەلىسى» - قازاقستاندا عانا جۇزەگە اسىرىلعان باستاما ەمەس, مۇنداي قىزمەت تمد ەلدەرىنىڭ كوبىندە بار. قولدانىس تاپقان. ايتا كەتەيىك, بيىلعى جىلدىڭ سوڭعى ءۇش ايىندا (2017 جىلدىڭ 1 ساۋىرىنەن 31 ماۋسىمىنا دەيىن) «114 جەدەل جەلىسى» ماماندارى 144-تەن استام حابارلاسقان ادامدارعا جاۋاپ قايتاردى. كوبىنەسە قاراعاندى, الماتى, وڭتۇستىك قازاقستان جانە اقتوبە وبلىستارىنىڭ ازاماتتارى حابارلاسقان.
ماماندار يسلام ماسەلەسىنە قاتىستى سۇراقتار قوياتىن ازاماتتاردىڭ قاتارى ارتقاندىعىن ايتادى. حابارلاسقاندار تاراپىنان حيدجاب كيىپ, ورامال تاعۋ, ناماز وقۋ, ورازا ۇستاۋ جانە يسلام دىنىندە ەرلى-زايىپتىلاردىڭ اجىراسۋى جايلى سۇراقتار كوپ قويىلعان.
ەستەرىڭىزگە سالا كەتەيىك, كەڭەس الۋ تەگىن جانە قۇپيا تۇردە جۇزەگە اسىرىلادى. قوڭىراۋلار قالا تەلەفوندارىنان «114» ءنومىرى ارقىلى قابىلدانادى. قوسىمشا قوڭىراۋلار (حابارلامالار, فوتو/ۆيدەو ماتەريالداردان تۇراتىن باسقا دا اقپاراتتار) WhatsApp +7 777 0000 114 نومەرى ارقىلى قابىلدانادى.
