(سۋرەت krisha.kz سايتىنان الىندى)
قالا اكىمىنىڭ ورىنباسارى ماليكا بەكتۇروۆا مەملەكەتتىك-جەكە سەرىكتەستىك جوبالارىنىڭ ىسكە اسۋى جانە سمارت-سيتي جوباسى تۋرالى ايتىپ بەردى.
سونداي-اق قوعامدىق دەنساۋلىق ساقتاۋ دەپارتامەنتىنىڭ باسشىسى نۇرقان سادۋاقاسوۆ جاڭا وقۋ جىلى قارساڭىندا ءبىلىم مەكەمەلەرىنىڭ دايىندىعى تۋرالى باياندادى.
كۇن تارتىبىندە كەلەسى تاقىرىپتار بويىنشا ماسەلەلەر قاراستىرىلدى: تۇرعىن-ۇي قۇرىلىسىندا ۇلەسكەرلىكپەن ءۇي سالۋ ماسەلەسى, قالاداعى تىرشىلىك قارەكەتىنىڭ نىساندارى, قالادا قاۋىپسىزدىكتى جانە جەدەل ارەكەت ەتۋدى قامتامىز ەتۋ ماسەلەلەرى, بيۋدجەت قاراجاتىنىڭ يگەرىلۋى, ازىق-ت ۇلىك باعاسى, تكش سالاسىندا جاڭا تەتىكتەر.
«سوڭعى ۋاقىتتا تۇندە ورىن الاتىن شۋ جانە كوشەدەگى ۇرىس-توبەلەس جونىندە شاعىمدار كوبەيىپ كەتتى. وسىعان بايلانىستى قالالىق ءىىد جانە جپق ويىن-ساۋىق مەكەمەلەرگە قاتىستى باقىلاۋدى كۇشەيتۋ كەرەك»,- دەدى اسەت يسەكەشەۆ.
وعان قوسا اكىمنىڭ ورىنباسارى قوسمان ايتمۇحامبەتوۆ قالا باسشىسىنىڭ تاپسىرماسى بويىنشا توتەنشە جاعدايلار دەپارتامەنتىمەن بىرلەسە وتىرىپ ءورت قاۋىپسىزدىگى ماسەلەلەرىنە قاتىستى «Highvill» تك-دە تەكسەرۋ جۇمىستارىن ۇيىمداستىرۋدا.
جيىن قورىتىندىسى بويىنشا اكىم ەلوردالىق ءىىد باسشىسىنا قوعامدىق تىنىشتىقتى ساقتاۋدا قاۋىپسىزدىك شارالارىن كۇشەيتۋ قاجەتتىلىگى جونىندە تاپسىرما بەردى.
