ء«بىز – مۇناي مەن گاز قورىنىڭ جوقتىعىنا قاراماستان, ءىرى ويىنشىلاردىڭ قاتارىنانبىز. ايتالىق, دجۋرونگ ارالىن الەمدەگى ەڭ ءىرى مۇناي حيمياسىن وڭدەۋ زاۋىتتارىنىڭ بىرىنە اينالدىردىق. دەسە دە, وزەكتى ماسەلەلەر دە جوق ەمەس. ولاردى شەشۋ ماقساتىندا ءاردايىم جاڭا يدەيالاردى جەتىلدىرىپ, ءجيى سىناقتان وتكىزىپ وتىرامىز. قازىرگى تاڭدا الەمنىڭ الپاۋىت مەملەكەتتەرىنىڭ ءبىزدىڭ ەلگە ەرەكشە قىزىعۋشىلىق تانىتۋى دا سوندىقتان دەپ ويلايمىن», دەيدى سينگاپۋردىڭ ساۋدا جانە ونەركاسىپ اعا ءمينيسترى كو پو كۋن.
«ارال-مەملەكەت» اتانىپ كەتكەن ەل الەم نازارىنا ۇزدىك جوبالارىن ۇسىنىپ ءجۇر. ماسەلەن, دۇنيە جۇزىندەگى ەڭ ۇلكەن جەراستى سالقىنداتۋ جۇيەسى سينگاپۋردىڭ «مارينا بەي» قارجى ورتالىعىندا ورنالاسقان. سالقىنداتىلعان سۋ عيماراتتارعا جىبەرىلەدى. وسىلايشا, تۇتىنۋشىلار قۋات كوزىن 40 پايىزعا دەيىن ۇنەمدەي الادى. «استانا ەكسپو-2017» ۇك» اق باسقارما توراعاسى احمەتجان ەسىموۆتىڭ ايتۋىنشا, سينگاپۋردا قىسى-جازى كۇن ىستىق. اۋا رايى ىلعالدى كەلەدى. وسى ماسەلەنى شەشۋ ءۇشىن عيماراتتىڭ اۋاسىن سالقىنداتۋ جوباسىن ويلاپ تاپقان. قازىر بۇل ادىسكە قىزىعۋشىلار كوپ.
اسحات رايقۇل,
سۋرەتتەردى تۇسىرگەن
ورىنباي بالمۇرات,
«ەگەمەن قازاقستان»
