كەڭەسكە قازاقستان رەسپۋبليكاسى ىشكى ىستەر ءمينيسترى ق.قاسىموۆ جانە قىرعىزستان ىشكى ىستەر ءمينيسترى ۋ.يسرايلوۆ, سونداي-اق, سالاعا قاتىستى ورگاندار باسشىلارى قاتىستى.
تاراپتاردىڭ دەلەگاتسيا باسشىلارى ەكىجاقتى ۆەدومستۆوارالىق ىنتىماقتاستىقتىڭ دامۋىنا جاقسى باعا بەردى. جيىن بارىسىندا تاراز قالاسىندا وتكىزىلگەن العاشقى بىرلەسكەن كەڭەستىڭ شەشىمدەرى تابىستى جۇزەگە اسىرىلعانى, سونداي-اق, شەكارالىق ىنتىماقتاستىقتىڭ بەلسەندى جۇرگىزىلىپ جاتقانى اتالىپ ءوتتى.
وتىرىسقا قاتىسۋشىلار شەكارالىق قىلمىسقا قارسى ءىس-قيمىل بويىنشا ەكىجاقتى ىنتىماقتاستىقتىڭ قازىرگى جاعدايى مەن بولاشاعىن قاراستىرىپ, ەكسترەميزمگە قارسى كۇرەستە ءىس-ارەكەتتەردى جەتىلدىرۋ ماسەلەلەرىن تالقىلادى. بۇدان بولەك, ەكىجاقتى ءىس-ارەكەتتەردى نىعايتۋ ماقساتىندا ىزدەۋ جاريالانعان قىلمىسكەرلەرگە, ءىز-ءتۇزسىز جوعالعاندار مەن انىقتالماعان مۇردەگە قاتىستى اقپاراتتى جانە اتىس قارۋلارى, اۆتوكولىكتەر, ەسىرت-
كى قۇرالدارى, ۇرلانعان مالداردى كونتراباندالىق جولمەن تاسىمالداۋشىلار, ۇيىمداسقان قىلمىستىق توپتاردىڭ مۇشەلەرى مەن باسشىلارى تۋرالى مالىمەتتەردى جەدەل الماسۋ كەرەكتىگى ايتىلىپ, ورتاق مامىلە جاسالدى. سونداي-اق, شەكارالىق وڭىرلەردە كەلىسىلگەن جەدەل ىزدەستىرۋ شارالارى مەن ارنايى وپەراتسيالار جۇرگىزۋ تۋرالى كەلىسىمگە قول جەتكىزىلدى.
وتىرىستىڭ قورىتىندىسىندا دەلەگاتسيا باسشىلارى شەكارالىق قىلمىسقا توسقاۋىل قويۋعا, سونىمەن بىرگە ەكسترەميزمگە قارسى كۇرەستە ەكىجاقتى ىنتىماقتاستىقتىڭ بەلسەندىلىگىن ارتتىرۋ شارالارىن قاراستىراتىن حاتتاماعا قول قويدى.
