«ا» توبىندا سىنعا ءتۇسىپ جاتقان وتانداستارىمىز سوڭعى توپتىق كەزەڭىنىڭ سوعى ويىنىندا ساۋد ارابياسىمەن سىنعا ءتۇسىپ, قارسىلاستارىن 3:0 ەسەبىمەن ۇتىپ, شيرەك فينالعا جولداما الدى.
جالپى قازاقستان قۇراماسى قاتارىنان ءۇش جەڭىسكە قول جەتكىزىپ, 7 ۇپاي ەنشىلەدى. سونداي-اق, شيرەك فينالعا قازاقستان قۇراماسىنان بولەك, تاعى وڭتۇستىك كورەيا, جاپونيا, يران, قىتايلىق تايپەي جانە قىتاي قۇرامالارى جولداما الدى.
شيرەك فينالعا شىققان سەگىزىنشى قۇراما يندونەزيا - قاتار اراسىنداعى ماتچتان كەيىن انىقتالادى.
ەستەرىڭىزگە سالا كەتەيىك, قازاقستان قۇراماسى ءتۋرنيردىڭ ءبىرىنشى ماتچىندا پارتيا بويىنشا 2:0 ەسەبىمەن كاتار كومانداسىن ۇتسا, ەكىنشى ويىندا الاڭ يەلەرى يندونەزيامەن كەزدەسىپ, قارسىلاستارىن 3:2 ەسەبىمەن جەڭگەن بولاتىن.
