الماتىلىق ۇجىمدى ەندى يسپانيالىق كارلوس الوس فەررەر جاتتىقتىراتىن بولادى. ول بۇگىن رەسمي تۇردە «قايرات» فك باس جاتتىقتىرۋشى بولىپ تاعايىندالدى.
«كلۋبتاعى ويىنشالار قۇرامىندا جاڭا ماۋسىمعا دەيىن ەشقانداي وزگەرىس بولمايدى. جاڭا باپكەر بار قۇراممەن جۇمىس ىستەيدى. يسپانيادان تاعى ەكى ادام كەلەدى دەپ كۇتىلىپ وتىر. ونىڭ بىرەۋى اۋدارماشى, بىرەۋى فيزيوتەراپەۆت. ولاردىڭ ەسىمدەرى ءالى بەلگىسىز», دەيدى كلۋبتىڭ مەديا-وفيتسەرى باعىجان ءابۋوۆ.
«كارلوس الوس فەررەر بۇعان دەيىن قازاقستاننىڭ جاسوسپىرىمدەر (17 جاستاعى) قۇراما كومانداسىندا باپكەر بولعان. سونىمەن قاتار, قازاقستان فۋتبول فەدەراتسياسىنىڭ باپكەرلىك كەڭەسىندە مۇشە بولعان. پولشانىڭ ششەتسين قالاسىنداعى «پوگون» فۋتبول كلۋبىندا باس باپكەر جانە پولشاداعى «بارسەلونا» فۋتبول اكادەمياسىندا ديرەكتور بولعان. مۇنىمەن قاتار, گونكونتاعى فتۋبول اكادەمياسىندا دا باس ديرەكتكور قىزمەتىن اتقارعان», - دەدى ب.ابۋەۆ.
