ء«بىلىمدى حالىق ءۇشىن بارىنشا قولجەتىمدى ەتسەك, جەمقورلىق ارەكەتتەرى دە ازايادى. بالاباقشالار كوپ بولۋى ءتيىس. سول كەزدە كەزەكتەر دە بولمايدى. مەكتەپتەر دە ءبىلىم جاعىنان بىردەي بولسا, اتا-انالار تانىس ىزدەپ سابىلمايدى. سوسىن ءبىلىم سالاسىنا قوعامنىڭ ءوزىن تارتۋ قاجەت. مىسالى, قازىر باقىلاۋشى كەڭەستەر جاقسى جۇمىس جاساپ كەلەدى. بىزدە جوعارى وقۋ ورىندارى مەن بالالار ۇيلەرىندە ونداي تاجىريبە ءساتتى ىسكە اسىپ وتىر. بارلىق بالالار ۇيلەرىنىڭ جانىنان باقىلاۋشى كەڭەستەرى قۇرىلدى. وعان بالالار قۇقىقتارىن قورعايتىن ۇيىمدار جانە تاعى باسقا قوعام وكىلدەرى كىرەدى. قازىر جەمقورلىققا قاتىستى وقيعالار اتالعان كەڭەستەردە قارالادى. وسىلايشا, قوعام جەمقورلىقتىڭ ازايۋىنا ءوز سەپتىگىن تيگىزەدى», - دەدى ساعاديەۆ بۇگىن ۇكىمەتتە وتكەن ءباسپاسوز ءماسليحاتىندا.
ءمينيستردىڭ سوزىنە قاراعاندا, ءبىلىم سالاسىنداعى تەكسەرىستەردى دە بارىنشا ازايتقان ءجون.
«مىسالى, بىلتىر ءبىز مەكتەپتەردىڭ اتتەستاتسياسىن مۇلدەم الىپ تاستادىق. ويتكەنى ونىڭ ەشبىر قاجەتى جوق. قانشا تەكسەرسەك تە, مەكتەپتەردى جابا المايمىز. ال ءبىلىم سالاسىن باقىلاۋ جونىندەگى كوميتەت قاعالاۋ ورگانى رەتىندە ەمەس, مەكتەپتەردى دامىتۋعا كومەكتەسەتىن مەكەمە بولىپ قالىپتاسۋى شارت», دەپ اتاپ كورسەتتى ەرلان كەنجەعالي ۇلى.
