حابارلامادا «ەل دەلەگاتتارىن - قاتىسۋشىلاردى كۋبا رەسپۋبليكاسىنداعى ساۋدا پالاتاسىنىڭ پرەزيدەنتى - ورلاندو نيكولاس گيلەن باستاپ كەلەدى» دەلىنگەن.
ايتا كەتەيىك, كۋبا ەلى ءوزىنىڭ ۇلتتىق كۇنىن بارلىق مامانداندىرىلعان كورمەلەردە 26 شىلدە كۇنى وتكىزەدى. 1953 جىلدىڭ 26 شىلدەسى كۇنى فيدەل كاسترونىڭ باسقارۋىمەن جاس كۋبالىقتاردان قۇرىلعان توپ فۋلحەنسيو باتيست ديكتاتۋراسىنا قارسى اسكەري كۇرەس باستاۋ ماقساتىمەن «مونكادا» اسكەري كازارمالارىنا شابۋىل جاسادى.
كۋبانىڭ ۇلتتىق كۇنىندە «كۋبا ىرعاقتارى» دەگەن اتپەن مۋزىكالىق شوۋلار ۇيىمداستىرىلماقشى. بۇل كۋبا مادەنيەتىنىڭ قۋاتتىلىعى مەن ەرەكشەلىگىمەن تانىسۋعا تاپتىرمايتىن مۇمكىندىك.
«شوۋ باعدارلامانى كۋبانىڭ ۇلتتىق كۇنى ساحناسىنان لاتىن امەريكاسىنىڭ پاۆيلونىنا دەيىن جالعاساتىن كارناۆال شەرۋى اياقتايدى» دەلىنگەن حابارلامادا.
