ماقالادا كورسەتىلگەن ماسەلەلەر قازىرگى تاڭدا قازاقستان باستان وتكەرىپ جاتقان وقيعالارمەن ۇندەسەدى. ونى قازاقستان ءوز تاۋەلسىزدىگىن جاريالاعاننان بەرگى ەكونوميكالىق جانە ساياسي جاڭعىرۋدىڭ نەگىزگى قۇرامى رەتىندە ساناساق ارتىق بولمايدى. ماقالادا قازاقستان حالقىنىڭ بىرنەشە جىلعى دامۋ باعىتى كورسەتىلگەن. ويتكەنى ەلگە قاتىستى تۇسىنىك پەن پىكىردىڭ جاڭا ءتاسىلىن قالىپتاستىرۋعا قاتىستى ماسەلەلەر ۇزاققا سوزىلادى. ماقالادا ايتىلعاندارعا سۇيەنسەك, قازاقستان ءوزىنىڭ وتكەنىن, قازىرگىسىن جانە بولاشاعىن بايلانىستىرۋعا مۇمكىندىگى بار دەپ تولىق سەنىممەن ايتا الامىز.
قوعام ساناسىن جاڭعىرتۋدىڭ نەگىزگى ەلەمەنتتەرى مەن ءار قازاقستاندىقتىڭ باسەكەلەستىككە قابىلەتتىلىك پەن پراگماتيزم سەكىلدى نەگىزدەرى ۇلتتىق بولمىس, مادەنيەت, ءبىلىم سالالارىن قامتىپ, قازاقستاننىڭ دامىعان ەلدەر قاتارىنا قوسىلىپ, حالىقتىڭ باقىتتى بولۋىنىڭ فاكتورى رەتىندە سانالادى. ءۇش باعىت تا زياتكەرلىك نارىقتىڭ قاجەتتىلىگىن قامتاماسىز ەتەتىندەي ساپالى ءونىم شىعارۋعا تاريح عالىمدارىنىڭ نازار اۋدارۋىن باسا ايتادى. مۇنداي تاريحي ەڭبەكتەر عىلىمنىڭ دەڭگەيىن كوتەرىپ, قوعامدىق تۇسىنىكتىڭ جاڭعىرۋىن قامتاماسىز ەتەدى.
الداعى جىلدارعا قويىلعان باستى ماسەلەنىڭ ءبىرى لاتىن الىپبيىنە كوشۋ – قازاقستاننىڭ جاساپ جاتقان زاڭدى ءارى وبەكتيۆتى قادامى. بىرىنشىدەن, بۇل تۇركى الەمىمەن رۋحاني بايلانىستىڭ قايتا ورناۋىنا جاردەمدەسەدى. ەكىنشىدەن, لاتىن قارپىنە كوشۋ ارتىقشىلىعى مول ەكەنى ءسوزسىز. لاتىنعا اۋىسۋ ارقىلى مەملەكەتتىڭ الەممەن بايلانىسى نىعايىپ, وزگە ەلدەرگە ەسىگىن ايقارا اشادى. ۇشىنشىدەن, زاماناۋي تەحنولوگيالىق قۇرالدار مەن عىلىمي ورتا ارقىلى حالىقتىڭ جەتىستىگىن ناسيحاتتاپ, ۇلتتىق بولمىس پەن مادەني كودىن ساقتاپ قالۋعا مۇمكىندىك بار. بۇل – جاھاندانۋ مەن كومپيۋتەرلىك عاسىردا دامۋدىڭ جوعارى ساتىسىنا شىعۋعا جاعداي جاسايتىن ۋاقتىلى گەوساياسي شەشىم.
جالپى العاندا, قوعامدىق سانانى جەتىلدىرۋ ءار ەل ءۇشىن كەز كەلگەن ساتتە ماڭىزعا يە. ادامدار وزدەرىن, ءوز قالاسىن جانە ەلىن دامىتۋى كەرەك. مەملەكەت دەڭگەيىن كوتەرۋدە ادامدار ماڭىزدى ءرول اتقارادى. البەتتە, ەڭ باستى رەسۋرس ادام ەكەنى انىق. ەندەشە, قازاقستان باسشىسىنىڭ قوعام ساناسىن جاڭعىرتۋعا شاقىرۋى ەلدىڭ دامۋىنىڭ باستى كوزى, مەملەكەت حالقى ءۇشىن ماڭىزى وراسان زور.
داۆيد كاپاريني,
يتاليا رەسپۋبليكاسى پارلامەنت پالاتاسىنىڭ دەپۋتاتى
