مەن قوعامدى جاڭعىرتۋ ەڭ اۋەلى ءبىلىم سالاسىنا كوڭىل بولۋدەن باستالاتىنىنا تولىقتاي قوسىلامىن. پرەزيدەنت نۇرسۇلتان نازارباەۆتىڭ اتالعان سالاعا قويعان مىندەتتەرى قوعامدى قالاي دامىتۋدىڭ, ءبىلىم مەن تاجىريبەنى ۇشتاستىرۋدىڭ, الەمنىڭ وزىق ۋنيۆەرسيتەتتەرىنە جول اشۋدىڭ جارقىن ۇلگىسى. ال قورشاعان ورتانى قورعاۋ, ارال تەڭىزىن بەيبەرەكەت قولدانۋعا تىيىم سالۋ قازاقستان جاڭعىرۋىنىڭ باستى قادامدارىنىڭ قاتارىندا. تابيعات – ءومىر ءنارى, ونسىز ادامزات بولماس ەدى.
قازاق ءالىپبيىنىڭ لاتىنعا اۋىسۋى, قازاق ادەبيەتىن شەتەلگە تاراتۋ, قازاق اۆتورلارىنىڭ تۋىندىلارىن بۇۇ-نىڭ رەسمي تىلدەرىنە اۋدارۋ, «قازاقستاننىڭ 100 جاڭا ەسىمى» جوباسى ەلدى الەمنىڭ بىرەگەي دامۋشى مەملەكەتى رەتىندە كورسەتۋدىڭ بىردەن-ءبىر ۇلگىسى. تاريحي جادىگەرلەردى, مادەني نىسانداردى جانە تابيعات بايلىعىن كوركەيتۋ ەلدەگى تۋريستىك سالانىڭ دامۋىنا سەپ بولىپ, قازاق حالقىنىڭ ماقتانىشىنا اينالاتىنى ءسوزسىز.
پرەزيدەنت نۇرسۇلتان نازارباەۆ قازاقستان مەن ونىڭ حالقىنىڭ جارقىن بولاشاعىن ناقتى بولجاپ بەردى. ول وركەندەۋگە, وزگەرىسكە, ءبىلىم سالاسىن دامىتۋعا, مادەنيەتتى, تاريح پەن قورشاعان ورتانى قورعاۋعا جانە ەڭ باستىسى, رۋحاني بىرلىكتى ساقتاپ قالۋعا مۇددەلى. قازاقستان باسشىسىنىڭ ەلەۋلى ويلارى ماقتاۋعا تۇرارلىق. ستراتەگيالىق ماقساتتارى قازاقستاندى الەمنىڭ دامىعان ەلدەرى قاتارىنا قوساتىن وسىنداي كورەگەن باسشىسى بار قازاق حالقى وتە باقىتتى.
كاسسيانو پەرەيرا ۆيانا,
«Pereira Viana Advogados Associados» ادۆوكاتتىق كەڭسەسىنىڭ ديرەكتورى, «برازيليا – قازاقستان» ساۋدا-ونەركاسىپ پالاتاسىنىڭ پرەزيدەنتى
