ۇلتتىق رۋحىمىزدى ساقتاي وتىرىپ, جاھاندىق الەمگە ەركىن كىرىپ, الەمنىڭ ەڭ وزىق تاجىريبەلەرىن قابىلداي ءبىلىپ, جاڭا تەحنولوگيانى قولدانا بىلەتىن ماماندار دايىنداۋدامىز. قاجەتتىلىكتەن تۋىندايتىن لاتىن الىپبيىنە كوشۋ جۇمىسى دا بىزگە جات ەمەس. زامان سىناعىنا لايىقتى بولۋ ءۇشىن قاجەتتى قاعيدانىڭ ءبىرى. بولاشاقتىڭ نەگىزى ءبىلىم وردالارىنان باستاۋ الماق.
«جاڭا گۋمانيتارلىق ءبىلىم» جوباسى قولعا الىنىپ, الەمنىڭ ءارتۇرلى تىلدەرىنەن 100 وقۋلىق قازاق تىلىنە اۋدارىلماقشى, بۇنىڭ ناتيجەسىندە جاڭا ساپالىق دەڭگەيدە ءبىلىم بەرىلەدى. ەلباسى ءسوز ەتكەن «تۋعان جەر» باعدارلاماسى – جاستاردى پاتريوتيزمگە تاربيەلەۋدىڭ نەگىزگى وزەگى. ماقالادا ىشكى, سىرتقى مادەني تۋريزمگە كوڭىل ءبولىنىپ, جاھاندىق اۋقىمدى قۇندىلىقتاردىڭ تاربيەلىك ءرولى, قازاقستاندىق زاماناۋي مادەنيەتتى قالىپتاستىرۋ جولى كورسەتىلگەن, ناتيجەسىندە مىڭ جىلدىق تاريحىمىزدا ءتول مادەنيەتىمىز تۇڭعىش رەت الەمنىڭ بارلىق قۇرلىقتارىنا جول تارتىپ, باسقا تىلدەردە سويلەيتىن بولادى, جاستار ساناسىنا وسىنى ۇعىندىرا ءبىلۋىمىز كەرەك. وسى وزگە تىلدە سويلەيتىن ءتول مادەنيەتىمىزدىڭ اۋدارماسىندا ءوز ۇلتتىق كودىمىزدى ساقتاي ءبىلۋ باستى شارت بولۋعا ءتيىس.
الدىمەن جاس ۇرپاققا ۇلتتىق كودتىڭ ءمان-ماعىناسىن ونىڭ اتقارار مىندەتىن قازاق حالقىمەن ساباقتاستىعىن جاستار ساناسىنا ۇعىندىرا ءبىلۋىمىز كەرەك.جۇرەگىندە پاتريوتتىق سەزىمىن وياتىپ ۇرپاقتان-ۇرپاققا جالعاسىپ ميراس بولىپ, قانىمىزعا سىڭگەن بابادان قالعان ىزگى قاسيەتتەردى قايتا تۇلەتۋىمىز ءۇشىن جاس ۇرپاقپەن قويان-قولتىق قاتار سىڭىسە ءجۇرىپ ونىڭ زامان تالابىنا ساي سۇرانىسىنا لايىق الەم جاستارىنان وي-ءورىسىنىڭ ەش كەم ەمەستىگىن كورسەتە ءبىلىپ, ونى ۇنەمى ۇلتتىق جانە جەكە بايلىعىن ناقتى ءبىلىپ, ونى ۇنەمى پايدالانىپ, سوعان سايكەس بولاشاعىن جوسپارلاي الۋدى, ىسىراپشىل, استامشىل, داڭعوي بولۋدان بويىن اۋلاق ۇستاۋدىڭ جولدارىن ۇيرەتۋگە ءتيىسپىز.
«قازاقستانداعى 100 جاڭا ەسىم» جوباسى جاستارعا ۇلگى بولارلىق, تاۋەلسىزدىك جىلدارىندا تابىستى ەڭبەك ەتكەن ناقتى ادامداردىڭ تاعدىرلارى مەن ءومىرباياندارىن ۇسىنادى, ولار تەلەۆيزيالىق دەرەكتى تۋىندىلاردىڭ كەيىپكەرلەرىنە اينالادى. ۇلتىمىزدىڭ التىن قورىنا ەنەتىن تۇلعالار تاڭدالادى. جاڭا جاھاندىق ۇردىستە زامانعا سايكەس جاڭعىرۋ – بۇگىنگى كۇن تالابى. ءومىر ءسۇرۋ ءۇشىن وزگەرە ءبىلۋ كەرەكتىگىن جاستارعا ءتۇسىندىرۋ – ءبىزدىڭ باستى مىندەتىمىز.
ماقالاداعى ءاربىر باعىتتى باسشىلىققا الا وتىرىپ, جاڭا تۇرپاتتى جاڭعىرۋدىڭ ەڭ باستى شارتى حالقىمىزدىڭ عاسىرلار بويعى جيعان تەك قازاققا عانا ءتان ۇلتتىق وزگەشىلىگىمىزدى ساقتاي وتىرىپ, زامانا سىنىنان وتكەن وزىق داستۇرلەردى جاڭعىرۋدىڭ تابىستى ماڭىزدى العى شارتتارىنا اينالدىرا ءبىلۋىمىز قاجەت. جاڭعىرۋ سونىمەن قاتار وتكەندى تولىقتاي ۇمىتۋ ەمەس, قايتا ەسكى مەن جاڭانىڭ ءداۋىر تالابىنا ساي ساباقتاستىعىن جالعاستىراتىن ۇلت جادىنىڭ تۇعىرناماسى ەكەنىن وسكەلەڭ ۇرپاققا جەتكىزە ءتۇسىندىرۋ ءبىزدىڭ الدىمىزداعى باستى ماقسات بولۋعا ءتيىس.
ءلاززات مادەنوۆا,
م.وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ اعا وقىتۋشىسى
ورال
