تاريحتان بىلەتىنىمىزدەي, 1626-1723 جىلدارى ءومىر سۇرگەن ءيسى قازاققا قادىرمەندى قارت بابا تاۋكە حاننىڭ كەڭەسشىسى بولعان. ورتالىق مەشىتتى «بيلەردىڭ ءبيى» اتانعان وقىمىستى عۇلاما انەت بابا ەسىمىمەن اتاۋ شاراسىنا وبلىسىمىزدان بولەك, استانا, الماتى, سەمەي وڭىرلەرىنەن 40-قا جۋىق قوناق كەلدى. ارالارىندا بابانىڭ 10-ىنشى, 11-ءىنشى ۇرپاقتارى دا بار. ارداگەر جۋرناليست مولدابەك جانبولات ۇلى انەت بابا جونىندە كىتاپ جازىپ, ءتىپتى جەرلەنگەن زيراتىنا بىرنەشە مارتە بارىپ, تۇركىستاندا تالاي تاريحي دەرەكتەردى اقتارعان.
تاۋەلسىزدىك قولعا تيگەننەن كەيىن اركىم ءوز اتا-باباسىن, جالپى قازاقتىڭ تاريحىن زەرتتەي باستادى. بابامىز شىمكەنتتەگى قوشقار اتا وزەنىنىڭ بويىندا قايتىس بولعان. الايدا, ول كىسىنىڭ ءىش-قۇرىلىسىن سول جەرگە جەرلەپ, سۇيەگىن ازىرەت سۇلتانعا اكەلگەن ەكەن» دەيدى ارداگەر جۋرناليست مولدابەك جانبولات ۇلى.
وبلىستىق مەشىتكە انەت بابا ەسىمىن بەرۋ – تىكەلەي ۇلتتىق قودتىڭ ساقتالۋى مەن رۋحاني جاڭعىرۋمەن ۇندەستىرەدى. سالتاناتتى شارادان سوڭ ەلىمىزدىڭ تۇكپىر-تۇكپىرىنەن كەلگەن انەت بابانىڭ ۇرپاقتارى جاماعاتقا ۇلكەن اس بەرىپ, قۇران باعىشتادى. بۇعان دەيىن دە 2007 جىلى الماتى قالاسىنىڭ ءبىر كوشەسىنە انەت بابانىڭ ەسىمى بەرىلگەن بولاتىن.
– بۇل قادام – ءمانى مەن ماعىناسى بولەك جاڭالىق. انەت بابا – تاريحي تۇلعا. قازاقتىڭ قاتپارلى تاريحى مەن مادەنيەتى جانە ەتنوگرافياسىنا ايتارلىقتاي ۇلەسىن قوسقان جان. وبلىستىڭ اقساقالدارى مەن بەلسەندى زيالى قاۋىمى اقىلداسا كەلە, ءبىر اۋىزدان انەت بابانىڭ ەسىمىن تاڭدادى, – دەدى وبلىستىق مەشىتتىڭ باس يمامى ومىرزاق قاجى بەكقوجا.
بابانىڭ ۇلاعاتتى ۇرپاقتارىنىڭ ۇلى ىستەرىنە وبلىس اكىمىنىڭ ورىنباسارى جاندوس ابىشەۆ تە ىزگى ءىلتيپاتىن جەتكىزدى. انەت باباعا ارنالعان استى قويلىباي اسانوۆ, رۋسلان نۇرباي, تىلەگەن ءادىلوۆ سىندى اقىن ازاماتتار جۇرگىزىپ وتىردى. شارا سوڭىندا ءدىني ساۋاتتىلىقتى ارتتىرۋعا نەگىزدەلگەن كىتاپتىڭ تۇساۋكەسەرى ءوتتى.
ميراس اسان,
«ەگەمەن قازاقستان»
قاراعاندى وبلىسى
