سپيكەردىڭ سوزىنشە, ەسەپتى كەزەڭنىڭ قورىتىندىلارى بويىنشا قازاقستان اۋماعىندا جالپى قۇنى 64,5 ملرد تەڭگەنىڭ جۇك تەحنيكاسى مەن اۆتوبۋس تەحنيكاسىن قوسا العاندا 8 768 اۆتوكولىك شىعارىلعان.
ء«ونىم كولەمىنىڭ زاتتاي كورىنىسى وتكەن جىلدىڭ كورسەتكىشىنەن 3,6 ەسە اسىپ ءتۇستى. جەڭىل اۆتوكولىكتەر ءوندىرىسى 7 779 بىرلىككە جەتىپ, 5,3 ەسە ۇلعايدى. اۆتوبۋس تەحنيكاسىن شىعارۋ 2017 جىلدىڭ قاڭتار-ماۋسىمى ايلارى قورىتىندىلارى بويىنشا وتكەن جىلعى كورسەتكىشتەن 4,4 ەسە ۇلعايدى. جۇك اۆتوكولىكتەرى ءوندىرىسى 32,1 پايىزعا قىسقاردى», دەدى ولەگ ال-
فيوروۆ.
سونداي-اق, سپيكەر 2017 جىلدىڭ ماۋسىم ايىنىڭ ناتيجەلەرى بويىنشا اۆتوكولىكتەر شىعارۋ 1818 بىرلىكتى قۇراعانىن, ول 2016 جىلمەن سالىستىرعاندا 2,5 ەسە وسكەنىن تىلگە تيەك ەتتى.
«وتاندىق اۆتوزاۋىتتاردىڭ ءونىمى جىلدىڭ باسىنان بەرى 7748 بىرلىكتى قۇرادى, بۇل وتكەن جىلدىڭ كورسەتكىشىنەن 57,5 پايىزعا جوعارى. قازاۆتوونەركاسىپ كاسىپورىندارىنىڭ نارىقتىق ۇلەسى وتكەن جىلمەن سالىستىرعاندا 21,8 پايىزدان 37 پايىزعا جەتتى. بۇل رەتتە ماۋسىمدا بۇل كورسەتكىش تاريحي ماكسيمۋمدى جاڭارتىپ, 46,9 پايىزدى قۇرادى», دەدى سپيكەر.
«كازاۆتوپروم» قازاقستان-
دىق اتوموبيل كاسىپورىندارى وداعى» زتب باسقارما توراعاسى ەسەپتىك كەزەڭنىڭ قورىتىندىلارى بويىنشا 831 اۆتوكولىك قىتايعا, رەسەيگە, بەلورۋسسياعا جانە تاجىكستانعا ەكسپورتقا جونەلتىلگەنىن جەتكىزدى. سونىمەن قاتار, ول ەكسپورتتىق جەتكىزىلىمدەردىڭ كوشباسشىسى Lada برەندى بولىپ تۇرعانىن ايتىپ ءوتتى.
«وعان 696 شەتەلدىك ساتىپ الۋشى ىقىلاس ءبىلدىردى. قازاقستاندىق اۆتوەكسپورت قۇرىلىمىنداعى Hyundai جانە JAC ماركىلەرىنە دە قىزىعۋشىلىق جوعارى», دەدى سپيكەر.
راۋان قايدار,
«ەگەمەن قازاقستان»
