سپيكەردىڭ سوزىنشە, وتىنىشتەردى قاعاز تۇرىندە جانە Digital Baiterek ينتەرنەت پورتالى ارقىلى ونلاين رەجىمدە 2 قازانعا دەيىن جولداۋعا بولادى. ء«بىز بيزنەس پروتسەستەردى قايتا ينجەنەرلەۋدى وتكىزدىك جانە گرانتتاردى بەرۋ شارتتارىن جاقسارتتىق. ەگەر بۇرىندارى بيزنەس ءۇشىن تارتىمسىز بولىپ تابىلاتىن جانە سوڭعى ءونىمدى شىعارۋدى قاراستىرمايتىن گرانتتىڭ 9 ءتۇرى قاراستىرىلعان بولسا, ال قازىرگى تاڭدا ولاردى قارجىلاندىرۋدى شەكتەۋ ايتارلىقتاي ازايىپ, 3 تۇرگە توپتاستىرىلدى», دەپ اتاپ ءوتتى «تدۇا» اق باسشىسى مارات وماروۆ.
سونىمەن قاتار, مارات وماروۆ 3 توپقا بولىنگەن گرانت تۇرلەرىنىڭ ارقايسىسىنا توقتالىپ ءوتتى. ول جۇمىس ىستەپ تۇرعان كاسىپورىنداردىڭ تەحنولوگيالىق دامۋىنا يننوۆاتسيالىق گرانتتاردى بەرۋدىڭ جاڭا ەرەجەلەرىنە سايكەس, گرانتتىڭ سوماسى ليتسەنزيالىق شارت بويىنشا دالەلدەنگەن شىعىنداردىڭ 70 پايىزىن نەمەسە جابدىقتاردى ساتىپ الۋ ءۇشىن دالەلدەنگەن شىعىنداردىڭ 50 پايىزىن قۇرايتىنىن, ال اقشالاي تۇردە 400 ملن تەڭگە بولاتىنىن باياندادى.
«سالالاردىڭ تەحنولوگيالىق دامۋىنا گرانتتىڭ كولەمى, ليتسەنزيالىق شارت بويىنشا دالەلدەنگەن شىعىنداردىڭ 70 پايىزىنا دەيىن جانە جابدىقتاردى ساتىپ الۋ ءۇشىن دالەلدەنگەن شىعىنداردىڭ 50 پايىزىنا دەيىن جانە تەحنولوگيالىق قۇزىرەتتى ارتتىرۋ بويىنشا دالەلدەنگەن شىعىندارعا كەتكەن شىعىستاردىڭ 85 پايىزىن قۇرايدى, اقشالاي تۇردە 500 ملن تەڭگەگە دەيىن. ال تەحنولوگيالاردى كوممەرتسيالاۋ گرانتىنىڭ كولەمى, دالەلدەنگەن شىعىنداردىڭ 50 پايىزىن قۇرايدى, اقشالاي تۇردە 200 ملن تەڭگە بولادى», دەدى «تدۇا» اق باسشىسى.
ايتا كەتەتىن تاعى ءبىر جايت, گرانت تۇرلەرىنىڭ ارقايسىسى بويىنشا يگەرۋ مەرزىمى 36 ايدان اسپاۋعا ءتيىس.
راۋان قايدار,
«ەگەمەن قازاقستان»
