ر. سكليار قۇرىق پورتىنىڭ ءبىرىنشى ىسكە قوسۋ كەشەنى – تەمىر جول پارومى – 2016 جىلى پايدالانۋعا بەرىلگەنىن جانە ونىڭ قۋاتتىلىعى 4 ملن توننانى قۇرايتىنىن اتاپ ءوتتى. بيىل جەلتوقسان ايىندا اياقتالاتىن ەكىنشى كەزەڭدى ەنگىزۋ جۇك اۆتوكولىكتەرىنىڭ تاسىمالىن جۇزەگە اسىرۋعا مۇمكىندىك بەرەدى, سونداي-اق تاعى قوسىمشا 2 ملن توننا وتكىزۋ قۋاتتىلىعىن قوسادى.
سپيكەردىڭ ايتۋىنشا, قازىرگى تاڭدا ءبىرىنشى كەزەڭدە 70-كە جۋىق جۇمىس ورنى اشىلعان, جۇمىسشىلاردىڭ جارتىسىنان كوبى – جەرگىلىكتى تۇرعىندار, ەكىنشى كەزەڭدى ەنگىزگەننەن كەيىن نىساندا شامامەن 250 ادام جۇمىس ىستەيتىن بولادى, سونداي-اق, نەگىزىنەن جەرگىلىكتى مامانداردى تارتۋ كوزدەلگەن.
«قۇرىق پورتىنداعى پاروم كەشەنىنىڭ وتكىزۋ قابىلەتى 6 ملن توننانى قۇرايدى. اتالعان پاروم كەشەنى ءوزىنىڭ ورنالاسقان جەرىمەن ءتيىمدى ەرەكشەلەنەدى, سەبەبى وندا جۇكتەردى, سونىمەن قاتار قاۋىپتى جۇكتەردى اۋىستىرىپ تيەۋ مۇمكىندىگى بار. پاروم كەشەنىنە كەلەتىن بورجاقتى – ەرساي تەمىرجول جەلىسى دە ۇلكەن وتكىزۋ قابىلەتىن بەرەدى, سول سەبەپتى دە, ءبىز 2020 جىلعا قاراي بارلىق پاروم قۋاتتىلىعى ءىس جۇزىندە 90% پايدالانىلاتىن بولادى دەپ ەسەپتەيمىز», – دەدى ر. سكليار.
