ا.قىدىرباەۆا ۇلت جوسپارى شەڭبەرىندە كوزدەلگەن سوت رەفورمالارىنىڭ ءساتتى ىسكە اسىرىلعانىن اتاپ ءوتتى. اتاپ ايتقاندا, ول ۇلت جوسپارى شەڭبەرىندە جۇرگىزىلگەن رەفورمالاردىڭ سوت تورەلىگىن جۇزەگە اسىرۋدىڭ تيىمدىلىگىنە وڭ ىقپال ەتكەنىن جەتكىزدى.
«ايتالىق, ەسەپتى كەزەڭدە سوتتاردا ازاماتتىق ىستەردى قاراۋ مەرزىمى ەكى ەسەگە قىسقاردى. ىستەردىڭ 62,5 پايىزى جەڭىلدەتىلگەن ءىس جۇرگىزۋ تارتىبىندە قارالۋدا. سوت بۇيرىعى, داۋلاردى شەشۋدىڭ بالامالى تاسىلدەرى جانە مەدياتسيا تارتىبىندە قارالعان ىستەر سانى ەداۋىر ارتتى. كەلىسىمدىك تارتىپتەگى قىلمىستىق ىستەر سانى 43 پايىزعا, قىسقارتىلعان نەگىزدەگى ىستەر سانى 3,5 ەسەگە ارتتى», – دەدى مامانداندىرىلعان سوت القاسىنىڭ ءتورايىمى..
سونىمەن قاتار ا.قىدىرباەۆا سۋديالىققا كانديداتتاردىڭ جاسى 30-عا دەيىن ۇلعايتىلعانىن تىلگە تيەك ەتتى.
ءوز بايانداماسى بارىسىندا سپيكەر جوعارعى سوت جانىنداعى سوت تورەلىگى اكادەمياسىن العاشقى تۇلەكتەر ءبىتىرىپ شىققانىن جەتكىزدى.
«جوعارعى سوت جانىنداعى ايرىقشا مارتەبەگە يە سوت تورەلىگى اكادەمياسى 2016 جىلعى 18 اقپاندا پرەزيدەنت جارلىعىنا سايكەس قۇرىلدى. جۇمىس ىستەپ جۇرگەن سۋديالاردىڭ بىلىكتىلىگىن ارتتىرۋ جانە قوعامنىڭ سوت تورەلىگىنە سەنىمىن نىعايتۋعا قابىلەتتى جاڭا فورماتسياداعى سوت كادرلارىن دايارلاۋ جاڭا جوو-نىڭ نەگىزگى مىندەتتەرى بولىپ تابىلادى. بيىل سوت تورەلىگى اكادەمياسىن 51 تۇلەك ءبىتىرىپ شىقتى», – دەپ اتاپ ءوتتى ا.قىدىرباەۆا.
راۋان قايدار,
«ەگەمەن قازاقستان»
