قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ا. مىرزاحمەتوۆ اگرارلىق قايتا وڭدەۋ كاسىپورىندارىنىڭ وبلىستاردا ورنالاسۋى كارتاسىنىڭ ازىرلەنگەن جوباسى تۋرالى باياندادى, ونىڭ اياسىندا قايتاۋ وڭدەۋ كاسىپورىندارىنىڭ قازىرگى قۋاتتىلىقتارىن بارىنشا جۇكتەۋ, جاڭا قايتا وڭدەۋ كاسىپورىندارىن جاڭعىرتۋ جانە سالۋ بويىنشا مىندەتتەرىن ورىنداۋ كوزدەلگەن.
اگرارلىق قايتا وڭدەۋدى دامىتۋ جالپى ءونىم ءوسىمىنىڭ بەلگىلەنگەن ورتاشا جىلدىق قارقىنىنا جەتۋدى جانە اوك-دەگى ەڭبەك ونىمدىلىگىنىڭ 2016 جىلدىڭ دەڭگەيىنە 18,6% ءوسىمىن جانە يمپورتتىڭ 32%-دان 25%-عا دەيىن ازايۋىن قامتاماسىز ەتەدى. كارتانى ىسكە اسىرۋ قايتا وڭدەۋ ءونىمىنىڭ جالپى ءوندىرىسىن 1,9-دان 3 ترلن تەڭگەگە دەيىن ۇلعايتۋعا جانە 7 مىڭ جۇمىس ورنىن قۇرۋعا مۇمكىندىك بەرەدى.
وتىرىستا «اتامەكەن» ۇكپ توراعاسىنىڭ ورىنباسارى, قازاقستان قارجىگەرلەرى قاۋىمداستىعى كەڭەسىنىڭ توراعاسى يۋ. ياكۋپباەۆا, «قر تاماق كاسىپورىندارى وداعى» زتب ۆيتسە-پرەزيدەنتى ا. ناۋرىزعاليەۆا, قاراعاندى, الماتى وبلىستارىنىڭ اكىمدەرى ە. قوشانوۆ, ا. باتالوۆ ءسوز سويلەدى.
اتالعان ماسەلەنى قاراۋدى قورىتىندىلاي كەلە, قر پرەمەر-ءمينيسترى باقىتجان ساعىنتاەۆ قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ا. مىرزاحمەتوۆكە «اتامەكەن» ۇكپ, قوعامدىق ۇيىمداردىڭ جانە تاماق ونەركاسىبى قاۋىمداستىقتارىنىڭ ۇسىنىستارىن ەسكەرە وتىرىپ, اگرارلىق قايتا وڭدەۋ كارتاسىنىڭ جوباسىن پىسىقتاۋدى تاپسىردى.
