ولار الدىمەن «رادۋگا» جشس-نە قاراستى «ريم كازاگرو» كومپانياسىنىڭ تسەحىن ارالادى. مۇندا تەز پىسەتىن تاڭعى اس مازىرلەرى دايىندالادى. تاۋلىكتىك قۋاتتىلىعى ون توننانى قۇرايدى. كەلەسى جىلى تاعى ءبىر وندىرىستىك جۇيە ىسكە قوسىلماق. 80 ادام ەڭبەك ەتەدى, ون ادام الەۋمەتتىك باعدارلاما بويىنشا ورنالاسقان.
«بۇعان دەيىن بۇل ونىمدەردى رەسەيدەن, قىتايدان الدىرساق, ەندى وزىمىزدە وندىرىلەتىنى, سىرتقى نارىققا باعدارلانۋى قۋانتادى», – دەيدى سەناتور ە. سۇلتانوۆ.
جۇمىسىن توقتاتقان «سولتۇستىك كىرپىش» زاۋىتىنىنىڭ قايتا جاندانعانى بايقالادى. وعان ينۆەستورلار قارجى قۇيىپ, ىسكە قوسىپتى. 90 ميلليون تەڭگەگە شەتەلدىك جابدىقتار ساتىپ الىنعان. ەندى كۇنىنە 17 مىڭ دانا كىرپىش وندىرە الادى. كاسىپورىن ديرەكتورىنىڭ ورىنباسارى الەكساندر رۋجەنسكي حالىق قالاۋلىلارىن ءوندىرىس ورنىنىڭ تىنىسىمەن تانىستىردى. قوسىمشا تسەح اشىلسا, كۇندىك قۋاتتىلىعى 120 مىڭ كىرپىش شىعارۋعا دەيىن ارتىپ, جۇمىس ورنى 60-قا دەيىن ۇلعايادى.
ۇجىمدارمەن كەزدەسۋدە سەناتور ولگا پەرەپەچينا كوپتەگەن جەڭىلدىكتى مەملەكەتتىك باعدارلامالار جۇمىس ىستەيتىنىن, جىل باسىنان بەرى جوعارى پالاتادا 110 زاڭ قارالىپ, 80-ءى قابىلدانعانىن جەتكىزىپ, قوردالانعان پروبلەمالاردى بىرلەسىپ شەشۋگە شاقىردى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
