سپيكەر «تامىز كەڭەسى» بارلىق مۇعالىمدەر ءۇشىن اسا ماڭىزدى شارا ەكەنىن اتاپ ءوتىپ, جيىن اياسىنداعى سەكتسيالىق جۇمىستار ءار وبلىس ورتالىقتارىندا وتكىزىلەتىندىگىن باياندادى.
«ەڭ ۇلكەن سەكتسيا بۇل – ءبىلىم سالاسىن جاڭارتىلعان مازمۇنعا كوشىرۋ سەكتسيالارى. بۇل سەكتسيالار ءار وبلىس ورتالىقتارىنداعى نازارباەۆ زياتكەرلىك مەكتەپتەرىنىڭ بازاسىندا وتكىزىلەتىن بولادى. وزدەرىڭىزگە بەلگىلى, ءبىزدىڭ سالامىزدا بىلتىرعى وقۋ جىلىنان باستاپ جاڭارتىلعان مازمۇن ەنگىزىلىپ جاتىر. بۇل بىرقاتار وزگەرىستەرمەن بايلانىستى. ايتا كەتەتىن تاعى ءبىر جايت, 2, 5, 7 سىنىپتار بيىلعى جىلى وسى جاڭارتۋ مازمۇنىنا كوشىپ, ولار ءۇشىن جاڭا وقۋ باعدارلامالارى, وقۋلىقتار جانە سىني تۇرعىدان ويلاۋ ماسەلەلەرى قاراستىرىلعان. وسى سۇراقتار وبلىس ورتالىقتارىندا وتەتىن سەكتسيالاردا مۇعالىمدەر, ءبىلىم سالاسى وكىلدەرى, ۇكىمەتتىك ەمەس ۇيىمدار وكىلدەرىنىڭ قاتىسۋىمەن, قوعامدىق ۇيىم وكىلدەرىنىڭ قاتىسۋىمەن جەتە تالقىلانادى», دەدى ش.كارينوۆا.
ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم بەرۋ دەپارتامەنتى ديرەكتورىنىڭ ايتۋىنشا, تامىزدا بولاتىن كەڭەستە بىلتىرعى وقۋ جىلىنىڭ نەگىزگى ماسەلەلەرى تالقىلانىپ, الداعى وقۋ جىلىنا جۇيەلى جوسپار جاسالىنادى.
راۋان قايدار,
«ەگەمەن قازاقستان»
