«پروكۋراتۋرا قىزمەتكەرى ج.الىباەۆ جانە تسەلينوگراد اۋدانى ىشكى ىستەر ءبولىمىنىڭ تەرگەۋشىسى ا.پشەمباەۆ جاراقات الدى. قارۋلى شابۋىل قىلمىستىق ءىس بويىنشا سوتتالۋشى ءو.جامپوزوۆتىڭ تاراپىنان جاسالعانى انىقتالدى. ءىس بويىنشا ءو.جامپوزوۆ قر اشم «كازۆودحوز» رمم شجق ديرەكتورى بولا تۇرا, باسقا لاۋازىمدى تۇلعالارمەن جانە مەردىگەرلەرمەن الدىن-الا ءسوز بايلاسۋ ارقىلى وزىنە سەنىپ تاپسىرىلعان پرەوبراجەنسكوە سۋ قۇبىرىن جوندەۋ ءۇشىن بولىنگەن 620 ملن تەڭگە اقشا قاراجاتىن تالان-تاراجعا سالعان. جامپوزوۆقا قاتىستى كەپىل تۇرىندەگى بۇلتارتپاۋ شاراسى قولدانىلعان.
وزىنە قارۋلى شابۋىل جاسالىنعان پروكۋراتۋرا قىزمەتكەرى, اتالعان قىلمىستىق ءىس بويىنشا مەملەكەتتىك ايىپتاۋدى قولداعان. ءىس بويىنشا تالقىلاۋ اشىق بولعان. 2017 جىلدىڭ 18 شىلدەسىندە سوت جارىسسوزدەرى بارىسىندا مەملەكەتتىك ايىپتاۋشى جامپوزوۆتى كىنالى دەپ تانۋدى جانە وعان قر «راقىمشىلىق جاساۋ تۋرالى» زاڭنىڭ ەرەجەسىن قولدانا وتىرىپ, 5 جىلعا باس بوستاندىعىنان ايىرۋدى سۇراعان. ۇكىمنىڭ جاريالانۋى 2017 جىلدىڭ 20 شىلدەسى ساعات 16-00-گە تاعايىندالعان. قارۋلى شابۋىل سوت ۇكىمىنىڭ جاريالانۋىنا دەيىن جاسالعان. قارۋلى شابۋىل جاساعاننان كەيىن جامپوزوۆ قىلمىس ورنىنان جاسىرىنعان. وسىدان كەيىن ونىڭ اۆتوكولىگى الجير قۋعىن-سۇرگىن قۇرباندارى مەموريالدى كەشەنىنىڭ اۋماعىنان تابىلدى. سول جەردە جامپوزوۆتىڭ ءمايىتى انىقتالدى. الدىن-الا بولجام بويىنشا ول ءوز-وزىنە قول جۇمساعان. جاراقات العان قىزمەتكەرلەر اۋرۋحاناعا جاتقىزىلدى. ءىستىڭ تەرگەلۋىن قاداعالاۋ استانا قالاسى پروكۋراتۋراسىنا تاپسىرىلدى», دەلىنگەن ءباسپاسوز حابارلاماسىندا.
وسى وقيعاعا بايلانىستى ەلىمىزدىڭ باس پروكۋراتۋراسى 21 شىلدەدە اقپارات تاراتىپ, اتالعان ىسكە قاتىستى بارلىق امالدار جان-جاقتى جانە وبەكتيۆتى تۇردە جۇرگىزىلەتىنىن مالىمدەدى.
باس پروكۋراتۋرانىڭ ءباسپاسوز قىزمەتىنىڭ حابارلاۋىنشا, قازىرگى تاڭدا ءو.جامپوزوۆتى بيۋدجەت قاراجاتىن تالان-تاراجعا سالدى دەپ ايىپتالىپ وتىرعان قىلمىستىق ىسكە قاتىستى پروكۋروردىڭ ۇستانىمى قانشالىقتى نەگىزدى ەكەنىن انىقتاۋ ءۇشىن قىزمەتتىك تەكسەرىس ءجۇرىپ جاتىر. سونىمەن قاتار, ءوزiن-ءوزi ولتiرۋگە دەيiن جەتكiزۋ بويىنشا تسەلينوگراد ءاىىب ءىس قوزعادى. ال سوتقا دەيىنگى الدىن-الا تەرگەۋ ارەكەتتەرىنىڭ زاڭدىلىعىن قاداعالاۋ استانا قالاسىنىڭ پروكۋراتۋراسىنا جۇكتەلدى.
«ەگەمەن-اقپارات»
