مجس مەحانيزمى بويىنشا جۇزەگە اسىرىلاتىن جوبانىڭ پايداسى - جوبانى جەكە سەرىكتەس قارجىلاندىراتىندىقتان تəۋەكەل مەملەكەت پەن بيزنەستىڭ اراسىندا تەڭ بولىنەدى, بيۋدجەتكە سالماق ازايادى. ءدəستۇرلى مەملەكەتتىك ساتىپ الۋلارمەن سالىستىرعاندا مجس مودەلىن قولدانۋ كەزىندە قۇرىلىس ساپاسى جوعارى بولادى, ويتكەنى جوبانى ارى قاراي پايدالانۋعا جەكە سەرىكتەس جاۋاپ بەرەدى. تاعى ءبىر ارتىقشىلىعى - جەكە سەرىكتەستىڭ پايداسى ۇسىنعان قىزمەتىنىڭ ساپاسىنا تىكەلەي بايلانىستى بولادى.
-تىكەلەي كەلىسسوزدەر اياسىندا جەكە سەرىكتەس قاجەتتى جوبالىق قۇجاتتاردىڭ ءبəرىن ءوزى دايىندايدى. بىراق اتالعان پروتسەستىڭ قيىندىعىنا وراي قۇجات دايىنداۋ ءۇشىن "قازاقستاندىق مەملەكەتتىك-جەكەمەنشىك سەرىكتەستىك ورتالىعى" اق كەڭەس بەرۋشى رەتىندە تارتىلدى",- دەيدى اتالعان ورتالىقتىڭ ساراپشىسى شىناسىل ەرنازار.
قازاقستاندا جەكە كومپانيا كوشە جارىقتاندىرۋ قۇرىلىسى مەن پايدالانۋ ءىسىن العاش رەت قولعا الىپ وتىر. "باتىس ترانزيت" اق كومپانياسىندا مەملەكەتتىك-جەكەمەنشىك سەرىكتەستىكتىڭ ءسəتتى جۇزەگە اسقان تəجىريبەسى بار. 2005 جىلى مەكەمە سولتۇستىك قازاقستان مەن اقتوبە وبلىستارىنىڭ اراسىندا ايماقتىق ەلەكتر بەرۋ جەلىسىنىڭ قۇرىلىسىنا قاتىسقان. ەندى مەملەكەتتىك-جەكەمەنشىك سەرىكتەستىك قاعيداسىمەن əلەۋمەتتىك باعىتتاعى جوبالاردا جۇمىسىن جالعاستىرۋدى كوزدەپ وتىر.
-مجس جوباسىن جۇزەگە اسىرۋ شەڭبەرىندە قالانىڭ 39 كوشەسىن جارىقتاندىرۋ ءۇشىن جارىقديودتى قوسولشەمدى شامى بار جاڭا تىرەك قۇرىلىسى جوسپارلانىپ وتىر. جەكە سەرىكتەستىڭ قاتىسى قارجىلاندىرۋدىڭ 100 پايىزىن قۇرايدى جəنە اتالعان جەلىنى قۇرىلىس بىتكەننەن كەيىن 6 جىل پايدالانادى"- دەيدى اتىراۋ وبلىستىق ەنەرگەتيكا جəنە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى جۇماباي قاراعاەۆ.
جوبا ازاماتتارعا قولايلى ورتا قالىپتاستىرىپ, جاڭا تەحنولوگيالاردى ەنگىزۋگە, قىلمىستى ازايتىپ, جول قوزعالىسى قاۋىپسىزدىگىن ارتتىرۋعا سەپتىگىن تيگىزەدى.
بۇل باستاما قالا تۇرعىندارىنا, بيزنەس پەن مەملەكەتكە بىردەي پايدالى. جەكە سەرىكتەس "باتىس ترانزيت" اق مجس اياسىندا قولداۋ الادى. كومپانياعا كوشە جارىقتاندىرۋ جەلىسىنىڭ قۇرىلىسى ءۇشىن ۋاقىتشا قايتارىمسىز قولدانۋعا جەر تەلىمدەرى بەرىلەدى, سونىمەن قاتار مجس نىسانىن باسقارۋعا ينۆەستيتسيالىق, وپەراتسيالىق شىعىندارعا وتەماقى مەن سىياقى تولەنەدى.
باقىتگۇل باباش,
"ەگەمەن قازاقستان"
