سلوۆاكيا پاۆيلونىندا كوپشىلىكتى تاڭعالدىرعان دۇنيەلەردىڭ ءبىرى – كادۋىلگى ۆەلوسيپەد. ونىڭ باسقىشتارىن باسىپ, قۋات كوزىن وندىرۋگە بولادى. «اقىلدى ءۇي» ودان دا كەرەمەت. جەل مەن كۇننىڭ ارقاسىندا قۋاتپەن قامتىلىپ, سۋمەن جانە جارىقپەن جاراقتالادى. ساياحاتقا شىققانعا وتە ىڭعايلى ەكوكاپسۋلا 40 گرادۋس سۋىققا, 50 گرادۋس ىستىققا ءتوزىمدى ەكەن. باعاسى 100 مىڭ اقش دوللارىن شامالايدى. قىمبات بولسا دا, از ۋاقىتتا 50 داناسى ساۋدالانىپ ۇلگەرگەن. دەمەك, از دا بولسا, سۇرانىس بار.
«بۇگىندە ءبىز ەنەرگەتيكالىق تيىمدىلىك پەن قاۋىپسىزدىككە باسا نازار اۋدارىپ وتىرمىز. سلوۆاكيادا تابيعي رەسۋرستار تاپشى. ەۋرووداقتىڭ ءوزى ەنەرگيانى رەسەي, نورۆەگيا مەن الجير ەلدەرىنەن ساتىپ الىپ, ول ءۇشىن كۇنىنە 1 ملن ەۋرو جۇمسايدى. ءبىز استىق, جۇگەرى سەكىلدى بيوماسسادان قۋات كوزىن ءوندىرۋدى قولعا الىپ وتىرمىز. بۇگىندە سلوۆاكيادا بالامالى ەنەرگيانىڭ ۇلەسى – 14 پايىز. ەندىگى مىندەت 2020 جىلعا دەيىن بۇل كورسەتكىشتى 20 پايىزعا جەتكىزۋ», دەيدى سلوۆاكيا بالامالى ەنەرگيا قاۋىمداستىعىنىڭ پرەزيدەنتى فيليپ ۋربان.
سلوۆاكيا كورمەگە ۇلتتىق ويۋلارمەن ورنەكتەلگەن توقىما ونىمدەرىن دە قويىپتى. حالقى ەڭبەكقور, قولونەرمەن اينالىسادى. پاۆيلوندا شەبەرلەر قىش ىدىس جاساپ وتىر. يۋنەسكو تىزىمىنە ەنگەن جالعىز مۋزىكالىق اسپاپتارى – فۋيارانى دا اكەلىپتى. «فۋيارا – ءبىزدىڭ ۇلتتىق اسپابىمىز. ول ۇيەڭكىدەن كەسىپ, ءپىشىلىپ جاسالادى. بەس جىل كەپتىرۋ كەرەك, سودان كەيىن عانا اسپاپ ويۋعا جارايدى. ۇيدە جاساپ, 600 ەۋرودان ساتامىن» – دەيدى, ءانشى ستراكا لۋبوش.
اسحات رايقۇل,
"ەگەمەن قازاقستان"
سۋرەتتى تۇسىرگەن ورىنباي بالمۇرات,
"ەگەمەن قازاقستان"
