"مەملەكەت باسشىسى نۇرسۇلتان نازارباەۆتىڭ جارلىعىمەن «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنا سايكەس قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك رىسكەلدى ۇلى جاقسىبەكوۆتىڭ وكىلەتتىگى زەينەتكەرلىك جاسقا تولعان كۇننەن باستاپ 2022 جىلعى 26 شىلدەنى قوسا العانداعى مەرزىمگە دەيىن ۇزارتىلدى", دەلىنگەن حابارلامادا.
ەستەرىڭىزگە سالا كەتسەك, ادىلبەك جاقسىبەكوۆ بۇل قىزمەتكە 2016 جىلى تاعايىندالعان بولاتىن. وعان دەيىن ول 2014 جىلدىڭ قازان ايىنان باستاپ استانا قالاسىنىڭ اكىمى قىزمەتىن اتقاردى.
ادىلبەك رىسكەلدى ۇلى جاقسىبەكوۆ 1954 جىلى قوستاناي وبلىسىندا تۋعان.
1978 جىلى بۇكىلوداقتىق كينەماتوگرافيا (ماسكەۋ ق.) مەملەكەتتىك ۋنيۆەرسيتەتىن تامامداعان.
1987 جىلى پلەحانوۆ اتىنداعى حالىق شارۋاشىلىع ينستيتۋتىندا «ماتەريالدىق-تەحنيكالىق جابدىقتاۋدىڭ ۇيىمداستىرۋشىسى» ماماندىعى بويىنشا قايتا دايارلىقتان وتكەن. 1988-95 جىلدارى – كوپسالالى «تسەسنا» كورپوراتسياسىنىڭ باسشىسى قىزمەتىن اتقاردى.
1995 جىلى قازاقستان رەسپۋبليكاسى پارلامەنتىنىڭ سەناتىنا سايلانىپ, 1996 جىلى اقمولا وبلىسى اكىمىنىڭ ورىنباسارى قىزمەتىنە تاعايىندالدى.
1997 جىلدىڭ جەلتوقسانىنان 2003 جىلدىڭ ماۋسىمىنا دەيىن استانا قالاسىنىڭ اكىمى بولدى.
2003 جىلدىڭ شىلدەسىنەن 2004 جىلدىڭ جەلتوقسانىنا دەيىن – قازاقستان رەسپۋبليكاسى يندۋستريا جانە ساۋدا ءمينيسترى, 2004-2008 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ باسشىسى, 2008 جىلدىڭ قاڭتارىندا "نۇر وتان" حالىق دەموكراتيالىق پارتياسى توراعاسىنىڭ ءبىرىنشى ورىنباسارى قىزمەتتەرىن اتقاردى.
2008 جىلدىڭ قاراشا ايىنان – قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى, 2009 جىلدان – قازاقستان رەسپۋبليكاسىنىڭ قورعانىس ءمينيسترى بولدى.
