ءۇش ايعا سوزىلعان ىرىكتەۋ كەزەڭىندە 50 وقۋ ورنىنىڭ تۇلەكتەرىنەن جۇزدەگەن ءوتىنىش ءتۇستى. ونىڭ ىشىندە استانا, الماتى جانە قاراعاندى وبلىستارى ەرەكشە بەلسەندىلىك تانىتتى.
العاشقى كەزەڭدە بايقاۋعا قاتىسۋشىلار ءۇش تاپسىرما ورىنداۋلارى كەرەك بولدى: ۋاجدەمەلىك ەسسە جازۋ (جوعارى بالل 10) جانە ۇمىتكەردىڭ تالداپ, ساراپتاۋ ماشىعىن, باسىمدىلىق بەرەتىن ماسەلەلەردى انىقتاي ءبىلۋ جانە تەز شەشىم قابىلداي الۋ قابىلەتىن انىقتاۋعا ارنالعان, ارقايسى 5 بالدان باعالاناتىن ەكى تاپسىرما.
العان باعالار نەگىزىندە 222 قاتىسۋشى كەلەسى كەزەڭگە جولداما الدى.
ء«بىز تۇلەكتەر تاراپىنان تۋىنداعان ۇلكەن قىزىعۋشىلىققا قۋانىشتىمىز. «جاس وركەن» تاعىلىمداما باعدارلاماسى جاس تۇلەكتىڭ تابىستى قىزمەتكە قول جەتكىزۋىنە وڭ اسەرىن تيگىزەرىنە سەنىمدىمىن. سونىمەن قاتار, ىرىكتەۋ كەزەڭىنىڭ تولىعىمەن اشىق ءارى ءادىل وتكەنىن, بارلىق قاتىسۋشىلارعا تەڭ جاعداي جاسالعانىن اتاپ وتكىم كەلەدى. ۋاجدەمەلىك ەسسە اۆتوردىڭ جەكە قاسيەتتەرى مەن جەتىستىكتەرى, تاقىرىپتى ءتۇسىنۋى مەن اشا ءبىلۋى, دايەكتەرىنىڭ سالماقتىلىعى, جالپى لوگيكاسى مەن ويىن جەتكىزۋ جۇيەسى جانە ارينە, ءماتىننىڭ كاسىبي تۇرعىدا جازىلۋى سياقتى ت.ب سيپاتتامالارعا سايكەس باعالاندى» دەپ اتاپ ءوتتى «سامۇرىق-قازىنا» كورپوراتيۆتى ۋنيۆەرسيتەتىنىڭ ديرەكتورى گۇلميرا رايسوۆا.
بايقاۋدىڭ كەلەسى كەزەڭى شىلدەنىڭ ەكىنشى جارتىسىندا باستالادى. ەكىنشى كەزەڭ بايقاۋعا قاتىسۋشىنىڭ الەۋەتىن انىقتايتىن تەست تۇرلەرىنەن تۇرادى. ءۇشىنشى كەزەڭ استانادا, «سامۇرىق-قازىنا» كورپوراتيۆتى ۋنيۆەرسيتەتىندە وتەدى. ۇمىتكەرلەر ىنتاسىن جانە ىسكە ىڭعايىن, قارىم-قابىلەتىن انىقتايتىن سۇحباتقا قاتىسادى.
ءار كەزەڭنەن وتكەن ۇمىتكەرلەردىڭ تىزىمدەرى https://www.skcu.kz/zhasorken/ سايتىندا جاريالانىپ وتىرادى, سونىمەن قاتار, ارقايسىنا وتىنىشتەرىندە كورسەتكەن ەلەكتروندى پوچتالارى ارقىلى حات جولدانادى.
ەسكە سالا كەتەيىك, بارلىق كەزەڭنەن وتكەن 20 ۇمىتكەر جەڭىمپاز اتانىپ, «سامۇرىق-قازىنا» كورپوراتيۆتى ۋنيۆەرسيتەتىندە ءدارىس الادى, سوسىن قازاقستاننىڭ ۇلتتىق كومپانيالارىنا تاعىلىمداماعا جىبەرىلەدى. باعدارلاما 2 جىلعا جوسپارلانعان. بۇل ۋاقىت ىشىندە تالىمگەرلەرگە ستيپەنديا مەن تاعىلىمدامادان وتۋگە بارعان ايماققا جول-پ ۇلى, جاتىن-ورنى شىعىندارى وتەلەدى.
