رەسمي جيىن كەزىندە قاسىم-جومارت توقاەۆ ەكسپو-2017 كورمەسى تەحنولوگيالىق جاڭعىرۋعا جانە حالىقارالىق ىنتىماقتاستىقتىڭ نىعايۋىنا جاڭا سەرپىن بەرەتىنىن تىلگە تيەك ەتتى. سونداي-اق, كوپتەگەن ەلدەردىڭ ەكونوميكاسى مەن عىلىمي باعىتتاعى جاڭا سالالاردىڭ دامۋىنا دا ۇلەس قوساتىنىن ەسكەردى. سەنات توراعاسى حالىقارالىق قاتىسۋشىلار مەن شەتەلدىك قوناقتارعا كورمە اياقتالعان سوڭ, ەكسپو نىساندارىندا جۇمىس ىستەيتىن جاڭا قۇرىلىمدار تۋرالى ايتىپ بەردى.
«ەكسپو اياقتالعاننان كەيىن, كورمە اۋماعىندا بىرنەشە حالىقارالىق ينستيتۋتتار پايدا بولادى. مىسالى, «استانا حالىقارالىق قارجى ورتالىعى», «جاڭا تەحنولوگيالار پاركى», «بۇۇ اياسىنداعى جاسىل تەحنولوگيالار مەن ينۆەستيتسيالىق جوبالاردى دامىتۋ ورتالىعى» وسىندا جۇمىس ىستەيتىن بولادى. قازاقستان وسى عاسىردىڭ ورتاسىنا قاراي الەمنىڭ دامىعان 30 مەملەكەتىنىڭ دەڭگەيىنە جەتۋدى كوزدەپ وتىر»,- دەدى ق.توقاەۆ.
ء وز سوزىندە ميلان شتەح ەكسپو كورمەسىنە قاتىسۋ چەحيا رەسپۋبليكاسى ءۇشىن ماڭىزدى ەكەنىن ايتتى. «كورمەگە قاتىسۋدىڭ بىرنەشە سەبەپتەرى بار. ءبىرىنشىسى - كوپجىلدىق دوستىق قارىم-قاتىس. قازاقستان رەسپۋبليكاسى مەن چەحيا رەسپۋبليكالارى ورتالىق ازيادا ارىپتەس مەملەكەتتەر. ەكىنشىسى, ونەركاسىپتىك ەنەرگەتيكا مەن اقىلدى ەنەرگيا بولىپ تابىلاتىن مامانداندىرىلعان كورمە تاقىرىبى. ءبىز ەڭ ۇزدىك ەنەرگيا دەگەنىمىز ەشقاشان سارقىلمايتىن ەنەرگيا دەپ بىلەمىز. سوندىقتان, چەحيا رەسپۋبليكاسىنىڭ عالىمدارى مەن زەرتتەۋشىلەرى ەكولوگيانىڭ نەعۇرلىم تازا بولۋىنا بارلىق جاعداي جاساپ جاتىر. سول جەتىستىكتەردىڭ بىرنەشەۋىن چەحيا پاۆيلونىندا كورۋگە بولادى»,- دەدى ميلان شتەح.
مەرەكەلىك جيىننىڭ رەسمي بولىگى اياقتالعان سوڭ, كەلۋشىلەر چەحيا مەن قازاقستان پاۆيلوندارىن تاماشالاپ قايتتى. ال, ۇلتتىق كۇن ساحناسىندا پراگا كونسەرۆاتورياسىنان كەلگەن اكروباتتار مەن مىڭ بۇرالعان بيشىلەر ەكسپو قوناقتارى ءۇشىن ونەر كورسەتتى.
اتاپ وتەيىك, چەحيا مەملەكەتىندە جاڭارتىلاتىن ەنەرگيا كوزىن پايدالانۋ كورسەتكىشى 13 پايىز. ال, ەكسپو-داعى چەحيا پاۆيلوننىڭ جالپى اۋماعى 292,5 شارشى مەتر. وندا جاڭا تەحنولوگيالار مەن ەنەرگيا كوردەرىن دامىتۋ سالاسىنداعى بىرقاتار جۇمىستار كورسەتىلگەن. پاۆيلوندا قالدىقتاردى وڭدەۋگە ارنالعان جاڭا تەحنولوگيا ۇلگىسى تانىستىرىلۋدا. سونىمەن قاتار, وندا ەلەكتروۆەلوسيپەد پەن ەلەكترواۆتوبۋستى تاماشالاۋعا بولادى.
