سونىڭ ىشىندە وڭىردەگى وزەكتى ماسەلەلەردى شەشۋ ماقساتىندا 30 مىڭنان استام تۇرعىن ءۇي مەن جەر تەلىمىنە دەگەن ازاماتتاردىڭ سۇرانىسىن قاناعاتتاندىرۋ ءۇشىن قالانىڭ شىعىس بولىگىنەن «وتىرار» ىقشام اۋدانى بوي كوتەرۋدە. قازىرگى تاڭدا مۇندا 8 ءۇيدىڭ قۇرىلىسى جۇرگىزىلۋدە. وسى جۇمىستاردىڭ بارىسىمەن تانىسقان تۇركىستان قالاسىنىڭ اكىمى ءا.وسەرباەۆ كوپ ۇزاماي مۇندا جاڭا قالا قالىپتاساتىنىن جەتكىزدى.
وبلىس اكىمى جانسەيىت تۇيمەباەۆ جىل باسىندا تۇركىستانعا جاساعان جۇمىس ساپارى بارىسىندا جاڭا شاعىن اۋدانىنىڭ قۇرىلىسىن ساپالى ءارى مەرزىمدى جۇرگىزىلۋىنە ءمان بەرۋدى تاپسىرعان بولاتىن. ءوڭىر باسشىسىنىڭ تاپسىرماسىن تاعى ءبىر پىسىقتاپ شىققان قالا اكىمى ءار قايسىسى 60 پاتەرلىك 8 ۇيدەن بولەك بيىل مۇندا تاعى دا 6 ءۇيدىڭ قۇرىلىسى باستالاتىنىن ايتتى.
«كەلەر جىلى مۇندا 20 كوپقاباتتى تۇرعىن ءۇي سالىنسا, ودان بولەك 150 كوتتەدج بوي تۇزەيتىن بولادى. مۇندا قونىستانعان وتباسىلاردىڭ بالالارى ءۇشىن قازىرگى كۇندە بالاباقشا, مەكتەپ ماسەلەسى تۋىنداپ وتىر. ء بىز ماسەلەنىڭ ءتۇيىنىن مەملەكەتتىك جەكەمەنشىك ارىپتەستىك اياسىندا شەشۋدى جوسپارلاپ وتىرمىز», - دەدى تۇركىستان قالاسىنىڭ اكىمى الىپبەك وسەرباەۆ.
تاياۋ كۇندەرى «وتىرار» شاعىن اۋدانىنان 280 ورىندىق بالاباقشا قۇرىلىسى باستالادى دەپ كۇتىلۋدە. ال كەلەر جىلى جاڭا مەكتەپ عيماراتىن سالۋ جوسپاردا بار. بۇل قۇرىلىستاردان باسقا اۋداندا 200 ورىندىق بالالارعا ارنالعان پسيحولوگيالىق-تۇزەتۋ ورتالىعى بوي كوتەرەتىن بولادى. قالانىڭ اكىمشىلىك ىسكەرلىك ورتالىعى دا وسى شىعىس بولىكتەن سالىنباق.
