ەلوردا تۇرعىندارى مەن قوناقتارىنا ارناپ سىر وڭىرىنەن 30-دان استام ءونىم تۇرلەرى جەتكىزىلدى. ونىڭ ىشىندە كۇرىش, جىلقى ەتى, تاۋىق ەتى, ءسۇت ونىمدەرى, ارا بالى, بالىق, جەمىس-جيدەكتەر, كوكونىستەر بار.
«قىزىلوردا وبلىسى ەكسپو-2017 كورمەسى اياسىندا ەلوردادا ءتورت رەت جارمەڭكە وتكىزۋدى جوسپارلاپ وتىر. بۇگىن-ەرتەڭ, ياعني 15-16 شىلدە كۇندەرى ەكىنشى مارتە ۇيىمداستىرىپ وتىرمىز. وسىدان كەيىن 5-6 تامىز جانە 15-16 قىركۇيەكتە وتەدى», دەدى قىزىلوردا وبلىستىق اۋىل شارۋاشىلىق باسقارماسىنىڭ باسشىسى باقىت جاقانوۆ.
جارمەڭكەگە قىزىلوردادان 26 ءتاۋاروندىرۋشى قاتىسىپ وتىر. 75 ملن تەڭگە كولەمىندەگى 170 تونناعا جۋىق اۋىلشارۋاشىلىق ونىمدەرى ساتىلادى دەپ كۇتىلۋدە.
سۋرەتتى تۇسىرگەن: باعدات ەسجانوۆ
