وتىرىسقا پارلامەنت سەناتىنىڭ دەپۋتاتى ءالىمجان قۇرتاەۆ قاتىستى.
سالاداعى جۇمىستاردىڭ اتقارىلۋ بارىسىن بايانداعان وبلىستىق قۇرىلىس باسقارماسىنىڭ باسشىسى قۇتتىبەك جاماشەۆتىڭ مالىمەتىنشە, 2017 جىلى وڭىردە قۇرىلىسى جوسپارلانعان 196 نىساننىڭ 121-ءىن پايدالانۋعا تاپسىرۋ كوزدەلسە, قالعانى كەلەر جىلعا وتپەلى ەكەن. ەل يگىلىگىنە بەرىلەتىن نىسانداردىڭ 29-ى ءبىلىم بەرۋ, 34-ءى دەنساۋلىق ساقتاۋ, 1-ءى الەۋمەتتىك قامتۋ, 3-ءى مادەنيەت سالاسىنا بايلانىستى, ال 42 نىسان تۇرعىن ءۇي عيماراتىنا جاتادى. سونىمەن بىرگە, 8 وبەكتى ينجەنەرلىك ينفراقۇرىلىمعا, 1 نىسان مونوقالاعا, 1-ءى اۋىل شارۋاشىلىعى, 1-ءى اباتتاندىرۋ سالاسىنا قاتىستى جانە 1-ءى قورشاعان ورتانى قورعاۋ نىساندارىنا جاتاتىن عيماراتتار بولىپ تابىلادى. ال جىل باسىنان بەرى وسى 121 نىساننىڭ 15-ءى قولدانىسقا بەرىلگەن. ولاردىڭ 5 نىسانى ءبىلىم بەرۋ وبەكتىسى, 4-ءى دەنساۋلىق ساقتاۋ, 1-ءى الەۋمەتتىك قامتۋ, 1-ءى تۇرعىن ءۇي بولسا, 1-ءى قورشاعان ورتانى قورعاۋ جانە 3-ءى ينجەنەرلىك-كوممۋنيكاتسيالىق نىساندار.
وبلىس ازاماتتارىن تۇرعىن ۇيمەن قامتاماسىز ەتۋ بويىنشا ارنايى توقتالعان باسقارما باسشىسى بيىل 10879 پاتەرلى 226 تۇرعىن ءۇيدىڭ (اۋدانى 737,6 مىڭ ش.م.) قۇرىلىسى ءجۇرىپ جاتسا, جىل سوڭىنا دەيىن سونىڭ 6375 پاتەردەن تۇراتىن 115 ءۇيى (اۋدانى 388,7 مىڭ ش.م.) كەزەگىن كۇتكەن قوجايىندارىنا تاپسىرىلماق.
كەلتىرىلگەن ماعلۇماتتاردى مۇقيات تىڭداعان وبلىس اكىمى شىمكەنتتەگى كوپ قاباتتى ۇيلەر قۇرىلىسىن كوبەيتۋ قاجەتتىگىنە توقتالدى. ول ءۇشىن ءتيىستى قارجى كوزدەرىن كوپتەپ تارتۋ كەرەكتىگىن ايتقان جانسەيىت قانسەيىت ۇلى باسپانالاردى سالاردا ساپاسى مەن ساۋلەتىنە, ءۇي ءىشىنىڭ جوباسىنا ءمان بەرۋدى تاپسىردى.
«تۇرعىن ۇيلەردى سالۋدا وتباسىن قۇرماعان بويداق ازاماتتار ءۇشىن ءبىر, ءبىر جارىم بولمەلى پاتەرلەردى كوبەيتۋ قاجەت. سونىمەن بىرگە, وتباسىلىق جانە ستۋدەنتتىك جاتاقحانالاردىڭ سانىن ارتتىرىپ, ستۋدەنتتەر ءۇشىن ارنايى قالاشىق بوي كوتەرۋى كەرەك. ال ءۇي قۇرىلىسىندا جاڭا تاسىلدەردى قولدانىپ, وزىمىزدە وندىرىلەتىن زاماناۋي, ساپالى ماتەريالداردى كادەگە جاراتۋدى باستاڭىزدار. ەڭ باستىسى, تۇرعىن ۇيلەردىڭ باعاسىن حالىقتىڭ قالتاسىنا قونىمدى بولاتىنداي ەسەپتەپ, ونى ارزانداتۋ جاعىن قاراستىرىڭىزدار», – دەدى ج.تۇيمەباەۆ.
سونداي-اق, جيىندا اكىم الەۋمەتتىك نىساندارعا جاتاتىن مەكتەپ, بالاباقشا, مەديتسينالىق مەكەمەلەردى سالاردا دايىندالاتىن جوبالىق سمەتالىق قۇجاتتاردى (جسق) ازىرلەۋدە قۇجاتتاردىڭ ۇزاق مەرزىمگە سوزىلاتىنىن سىنعا الدى. بۇل رەتتە, ارنايى بەكىتىلگەن ستاندارتتار نەگىزىندە جۇمىس ىستەۋدى قاتاڭ تاپسىرعان ءوڭىر باسشىسى حالىققا تەزىرەك قولايلى جاعداي جاساۋ ماسەلەسىن ەستەن شىعارماۋدى ەسكەرتتى.
