قر ۇلتتىق مۋزەيىنىڭ ەكسكۋرسيالىق قىزمەت كورسەتۋ ءبولىمىنىڭ ادىسكەرى ايگەرىم امىراليەۆانىڭ ايتۋىنشا, بۇگىنگى كۇنى مۋزەيدە 20-عا جۋىق ەكسكۋرسيا جۇرگىزۋشى بار.
«حالىقارالىق دەڭگەيدەگى مۋزەي بولعاندىقتان, بىرنەشە شەتتىلىن جەتىك بىلەتىن ماماندار قابىلداندى. ەكى-ءۇش اي بويى تاعىلىمدامادان وتكىزگەن سوڭ, ۇزدىكتەرى جۇمىسقا الىندى. ەكسكۋرسيا جۇرگىزۋشىلەر قازاق, ورىس تىلدەرىنەن بولەك اعىلشىن, تۇرىك, قىتاي جانە فرانتسۋز تىلدەرىندە ەكسكۋرسيا جۇرگىزەدى», – دەدى ول.
سونداي-اق, ادىسكەر كەلۋشىلەر ەكسكۋرسوۆودتى وزدەرى تاڭداي الاتىنىن ايتتى. مۋزەيدىڭ ءبىرىنشى قاباتىندا بارلىق ەكسكۋرسوۆود ماماندار تۋرالى اقپارات جازىلعان.
«مۋزەيگە كەلگەن شەتەلدىكتەر اتالعان اقپاراتتىق انىقتامالىقتان ەكسكۋرسيانى قاي تىلدە تىڭداعىسى كەلسە, سول ءتىلدى مەڭگەرگەن ەكسكۋرسوۆودتى تاڭداي الادى. ەكسكۋرسيانىڭ اكادەميالىق ساعاتى 45-60 مينۋت ارالىعىن قۇرايدى», – دەدى ءا. امىراليەۆا.
