جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى جىل باسىنان بەرى اي سايىن تۋبەركۋلەزبەن اۋىراتىندارعا ازىق-ت ۇلىك الۋ ءۇشىن قارجى ءبولىپ كەلەدى, بىراق جەرگىلىكتى بيۋدجەتتەن بولىنگەن قاراجاتتى ناۋقاستار ءتيىمسىز پايدالاناتىنى بەلگىلى بولعان.
– ول قاراجاتتى سىرقاتتار ءتيىستى ماقساتقا پايدالانبايتىنى جونىندە اقپارات بار. ونىڭ ورنىنا نەسيە تولەيدى, ءتىپتى ىشىمدىك پەن تەمەكىگە جۇمسايدى. الەۋمەتتىك اۋدارىمداردى ازىق-ت ۇلىك سەبەتىنە اۋىستىرۋ ماسەلەسىن كوتەرۋ كەرەك, سول كەزدە سىرقاتتارعا كومەك تە ەلەۋلى بولادى, – دەدى نۇرلان نوعاەۆ.
وبلىس اكىمىنىڭ ورىنباسارى ايگۇل اجىعاليەۆانىڭ ايتۋىنشا, ايماقتىڭ بيۋدجەتتىك كودەكسىندە حالىقتىڭ وسال توپتارىنا ازىق-ت ۇلىك سەبەتىن بەرۋ قاراستىرىلماعان. وبلىستىق تۋبەركۋلەزگە قارسى كۇرەس ديسپانسەرىنىڭ باس دارىگەرى پاۆلودار وبلىسىندا قۇرت اۋرۋىمەن اۋىراتىندارعا دەنساۋلىققا پايدالى تاعامدار بەرەتىن الەۋمەتتىك اسحانا بارىن مىسالعا كەلتىردى.
ءماجىلىس سوڭىندا جينالعاندار كەزەكتى ۇيلەستىرۋ كەڭەستەرىنىڭ بىرىنە پاۆلودار وبلىسىنىڭ ۇلگىسىمەن الەۋمەتتىك اۋدارىمدى ازىق-ت ۇلىك سەبەتىنە اۋىستىرۋ تۋرالى ماسەلە قويۋدى ۇيعاردى.
ايتا كەتەيىك, اتىراۋ وبلىسىندا جىل باسىنان بەرى 795 ادام 22 600 تەڭگە مولشەرىندە الەۋمەتتىك تولەم الادى. وسى ماقساتقا جەرگىلىكتى بيۋدجەتتەن 70 ميلليون تەڭگەگە جۋىق قاراجات بولىنگەن.
